Marketpleistiń basqarýshy kompaniiasy - OOO "RVB" Qazaqstanǵa kóshken "inDrive" shemasyn zerttei bastady deidi, DALA INSIDE derekkózi.
Wildberries úshin Qazaqstandaǵy qatysýyn tek qoima jaldaýmen shektemei, korporativtik qurylymyn da bizdiń iýrisdiktsiiaǵa jaqyndatý múmkindigi óte qajet bolyp tur. Áńgime Astana halyqaralyq qarjy ortalyǵy arqyly redomitsiliatsiia nemese soǵan uqsas korporativtik kóshý týraly bolǵan siiaqty. Osy shemany iske asyrsa, Vaildberris halyqaralyq qurylymyn saqtai otyryp, basqarý ortalyǵynyń bir bóligin Qazaqstanǵa aýystyrady. Demek jergilikti infraqurylymǵa súienedi jáne sanktsiialyq ári logistikalyq táýekelderin azaitady. Qazaqstan buǵan deiin Reseiden kóshken birqatar tehnologiialyq kompaniialardy osy shemamen qabyldaǵan bolatyn Al AHQO sheteldik kompaniialarǵa zańdy tulǵa mártebesin, aktivteri men mindettemelerin saqtai otyryp, iýrisdiktsiiasyn aýystyrýǵa múmkindik beredi.
"Reseidegi qoimalarǵa jasalǵan shabýyldardan keiin kompaniia shamamen 10% saqtaý qýatynan aiyrylyp, Qazaqstannan balama qoima alańdaryn izdei bastady. Onymen qatar, marketpleis Qazaqstanda onsyz da aýqymdy logistikalyq baza quryp jatyr. Astanada kólemi 160 myń sharshy metr bolatyn, quny 47,7 mlrd teńgelik hab salynýda. Onyń iske qosylýy 2027 jyldyń birinshi toqsanyna josparlanǵan. Almatyda taǵy 103 myń sharshy metrlik ortalyq ashý jospary bar. Logikaǵa sai, Qazaqstan Wildberries úshin tek ótkizý naryǵy emes, Reseiden tys taýar aǵynyn qaita bóletin qaýipsiz logistikalyq platsdarmǵa ainalýy múmkin", - deidi, derekkóz.
Kelgen insaid boiynsha, ázirge naqty sheshim qabyldanbaǵan. Qosymsha zertteý jáne bul stsenariidi iske asyrýǵa qajet qarjylyq investitsiialardy, zańdyq táýekelderdi esepteý qajet dep tanylǵan. RVB tobynyń 2025 jylǵy jalpy taýar ainalymy - GMV 6,1 trln rýblden asty. Bul 2024 jylǵy 4,1 trln rýblmen salystyrǵanda 49%-ǵa kóp. Toptyń taza paidasy 104 mlrd rýblden 175 mlrd rýblge ósken. Infraqurylymǵa, IT men jańa jobalarǵa salynǵan investitsiia kólemi 310 mlrd rýblden asqan. Biraq 2026 jylǵy balansynda úlken problemalar paida bolatyny anyq. Biyl marketpleistiń taza paida kórsetý múmkindigine qatysty úlken suraqtar bar. DALA INSIDE bul máseleni qadaǵalap otyrmaq.
