Qazaqstan Respýblikasy Saýda jáne integratsiia ministrligi Wildberries qoima keshenin yqtimal kóshirý máselesine qatysty málimdeme jasady, dep habarlaidy dalanews.kz.
Qazaqstan Respýblikasy Saýda jáne integratsiia ministrligi iri halyqaralyq saýda platformalarynyń logistikalyq infraqurylymynyń damý úrdisterin turaqty túrde baqylap otyrady.
Qazirgi ýaqytta Wildberries kompaniiasynan Qazaqstan Respýblikasynyń aýmaǵynda qosymsha qoima qýattaryn ornalastyrý máselesine qatysty Ministrlikke resmi ótinish kelip túsken joq. Tiisti usynystar kelip túsken jaǵdaida, olar Qazaqstan Respýblikasynyń ulttyq múddelerin eskerile otyryp, zańnama talaptaryna sáikes qaralady.
Ministrlik úshin halyqaralyq kompaniialardyń kez kelgen jobalary eldiń ulttyq múddelerine sai, ózara tiimdi negizde júzege asyrylýy mańyzdy. Mundai jobalar otandyq kásipkerler úshin jańa múmkindikter qalyptastyryp, Qazaqstan ekonomikasyna investitsiia tartýǵa jáne jańa jumys oryndaryn ashýǵa yqpal etýi tiis.
Qazaqstannyń tranzittik jáne logistikalyq áleýeti joǵary. Osyǵan bailanysty Ministrlik zamanaýi qoima jáne logistikalyq infraqurylymdy damytýǵa, jańa jumys oryndaryn qurýǵa, sondai-aq transshekaralyq elektrondyq saýdany ilgeriletýge baǵyttalǵan investitsiialyq jobalardy qoldaidy.
Sonymen qatar taýarlardy tasymaldaý, saqtaý jáne ainalymǵa shyǵarý protsesteri Qazaqstan Respýblikasynyń qoldanystaǵy zańnamasymen jáne Eýraziialyq ekonomikalyq odaqtyń quqyqtyq normalarymen retteledi. Osyǵan bailanysty naryqtyń jekelegen qatysýshylary úshin qandai da bir erekshe jaǵdailar nemese arnaiy talaptar kózdelmegen.
Eske salaiyq, búgin Reseidegi shabýyldardan keiin Wildberries Qazaqstandaǵy qoimalardyń 77%-yn jalǵa alýy múmkin ekeni týraly habar taraǵan edi.
