Bul týraly onlain rejimde ótken brifingte QR Premer-ministriniń orynbasary Eraly Toǵjanov málimdedi, dep habarlaidy Dalanews.kz.
Toǵjanovtyń aitýynsha, tótenshe jaǵdai rejimi joiylǵanyna qaramastan, joldaǵy blok-posttar ary qarai óz jumysyn jalǵastyrady.
Alaida, qala mańynda turatyndar qalaǵa, sol sekildi qala ishindegiler oblysqa jumysqa bara alady, tek ákimdikterdiń bekitilgen tizimine sáikes ol ruqsatty alýǵa bolady.
Kesheden beri kóptegen adamdar osy máseleni kóterip jatyr, ásirese ońtústik aimaqtyń turǵyndary. Mysaly, Almaty qalasynda turatyn adamdar Almaty oblysyna jumysqa shyǵa almai otyr, endi olarǵa eshqandai shekteýler joq. Biraq bul úshin osyndai jumysshylary bar kompaniialar barlyq tizimderin osy aimaqtardyń shtabtarymen kelisip, ótkizýi kerek. Osy baǵytta qazir jumys jalǵasýda, - dedi Toǵjanov.
Týra osyndai suraqtar Nur-Sultan men elorda mańyndaǵy turǵyndardy da mazalaidy.
Biz búginge deiingi kedergilerdi saqtaimyz. Búgin Nur-Sultan qalasy men qala mańyndaǵy jerlerge qatysty birqatar suraqtar týyndady. Dál osyndai másele Almaty qalasy men Almaty oblysynyń arasynda týyndady, sondyqtan bul másele kúntártibinde tur. Jol tosqaýyldary burynǵy rejimde jumys isteitinin erekshe atap ótkim keledi. Biz olardy almaimyz, - dep sózin túiindedi Toǵjanov.
Aita keteiik, óńirlerde birqatar salalardyń jumysqa kirisýine ruqsat etilgen.
