Eńbek vitse-ministri Askarbek Ertaev Qazaqstanda jaqsy ómir súrý úshin jalaqy qansha bolý keregin aita almady, dep habarlaidy Dalanews.kz.
Ertaevtyń aitýynsha, qazaqstandyqtardyń tabysy mediandyq jalaqyǵa teń nemese odan joǵary bolýy kerek.
Qazirgi tańda mediandyq jalaqy 288 myń teńge. El boiynsha ortasha jalaqy mólsheri – 400 myń teńge.
Onyń sózinshe, 95 myń uiymnyń ishinde 73 myńy nemese 76%-y óz qyzmetkerlerine mediandyq jalaqy deńgeiinde nemese odan joǵary eńbekaqy tóleidi.
«Qalǵan uiymdarmen jumys júrgiziledi. Bizdiń josparymyz – 2030 jylǵa deiin Halyqaralyq eńbek uiymynyń usynymyna sai jalaqy deńgeiine jetý. Ol Indeks Geitsa boiynsha 50%-dan tómen bolmaýy kerek. Bizde qazir bul kórsetkish 30%-dy quraidy, iaǵni tómen. Sondyqtan biz kezeń-kezeńimen 50%-dyq kórsetkishke jetýdi kózdep otyrmyz», – dedi spiker.
Degenmen ol naqty somany ataǵan joq.
