ۆيتسە-مينيستر قازاقستاندا جاقسى ٶمٸر سٷرۋ ٷشٸن جالاقى قانشا بولۋ كەرەگٸن ايتا المادى

ەڭبەك ۆيتسە-مينيسترٸ اسكاربەك ەرتاەۆ قازاقستاندا جاقسى ٶمٸر سٷرۋ ٷشٸن جالاقى قانشا بولۋ كەرەگٸن ايتا المادى, دەپ حابارلايدى Dalanews.kz.

ەرتاەۆتىڭ ايتۋىنشا, قازاقستاندىقتاردىڭ تابىسى مەدياندىق جالاقىعا تەڭ نەمەسە ودان جوعارى بولۋى كەرەك. 

قازٸرگٸ تاڭدا مەدياندىق جالاقى 288 مىڭ تەڭگە. ەل بويىنشا ورتاشا جالاقى مٶلشەرٸ – 400 مىڭ تەڭگە.

ونىڭ سٶزٸنشە, 95 مىڭ ۇيىمنىڭ ٸشٸندە 73 مىڭى نەمەسە 76%-ى ٶز قىزمەتكەرلەرٸنە مەدياندىق جالاقى دەڭگەيٸندە نەمەسە ودان جوعارى ەڭبەكاقى تٶلەيدٸ.

«قالعان ۇيىمدارمەن جۇمىس جٷرگٸزٸلەدٸ. بٸزدٸڭ جوسپارىمىز – 2030 جىلعا دەيٸن حالىقارالىق ەڭبەك ۇيىمىنىڭ ۇسىنىمىنا ساي جالاقى دەڭگەيٸنە جەتۋ. ول يندەكس گەيتسا بويىنشا 50%-دان تٶمەن بولماۋى كەرەك. بٸزدە قازٸر بۇل كٶرسەتكٸش 30%-دى قۇرايدى, ياعني تٶمەن. سوندىقتان بٸز كەزەڭ-كەزەڭٸمەن 50%-دىق كٶرسەتكٸشكە جەتۋدٸ كٶزدەپ وتىرمىز», – دەدٸ سپيكەر.

دەگەنمەن ول ناقتى سومانى اتاعان جوق.