Aıta ketý kerek, naýryz aıymen salystyrǵanda maýsymda tósek-kúnniń jalpy sany 8 esege, juqpaly aýrýlarǵa – 26 esege artty. Osy kezeńde karantındik stasıonarlarǵa 327 myń tósek-kún, juqpaly aýrýlar úshin 270 myń tósek-kúnge qarjy tólendi.
Maýsym aıynda naýryz aıymen salystyrǵanda provızıalyq stasıonarlarda tósek-kún sany aıtarlyqtaı ósti: naýryz aıynda 21 myńnan maýsym aıynda 100 myń tósek-kúnge deıin.
Tósek-kúnge pasıenttiń stasıonarda orny, aýrýdyń dıagnostıkasy men emi kiredi.
Qazir densaýlyq saqtaý júıesinde tósek qoryn ulǵaıtý qajet. Qazaqstandyqtarǵa medısınalyq kómek kórsetý sapasyn jaqsartý úshin qor shilde aıynda medısınalyq uıymdarǵa tarıfti kóterdi.
Endi qor provızorlyq stasıonarǵa 1 tósek-kún úshin 21,9 myńnan astam teńge tólese, táýlik boıy stasıonarǵa – 32,2 myń teńge tóleıdi. Eger naýqas anestezıologıa, reanımasıa jáne qarqyndy terapıa bólimshesinde emdelse, qor naýqastyń 1 tósek-kúnine 70 myń teńgege jýyq qarjy bóledi.
Medısınalyq saqtandyrý qorynda atalǵan qyzmetterge tarıftiń artýy qor jetkizýshileriniń sanyn kóbeıtýge, koronavırýs pen pnevmonıaǵa shaldyqqan naýqastardy emdeýge jeke aýrýhanalardy belsendi tartýǵa jáne stasıonarlardaǵy medısınalyq kómektiń sapasyn yntalandyrýǵa múmkindik beredi.
Áleýmettik medısınalyq saqtandyrý qory 304 ınfeksıalyq/provızorlyq stasıonarmen oryndaý/birlesip oryndaý sharttaryn jasasty. Osy jyldyń 30 maýsymynan tósek sany 28 796-dan 47 455-ke deıin artty, 18 659 tósek (64,7%) qosyldy. Tósek qorynyń 70% bos emes. Covid-19 emdeýge tartylǵan stasıonarlardaǵy oryndarǵa kún saıyn monıtorıń júrgiziledi. Bul kórsetkish jergilikti atqarýshy organdardyń jumysynyń ındıkatory bolyp tabylady. Óńirdegi kereýet qorynyń 70 paıyzy bos emes, rezervten qosymsha kereýet ashý boıynsha sharalar qabyldanýda.
Sonymen qatar, № 10 Klınıkalyq Hattamaǵa, 2020 jylǵy 4 shildedegi № 104 basylymǵa sáıkes, aýrýdyń asımptomatıkalyq jáne jeńil túri bar naýqastardy turǵylyqty jeri boıynsha aýmaqtyq emhanalardyń ýchaskelik dárigerleri baqylaıdy.
Stasıonarlyq emge Covid-19 shaldyqqan ortasha aýyr jáne aýyr jaǵdaıdaǵy pasıentter ǵana jatqyzylady.
Sondaı-aq, ambýlatorıalyq deńgeıde medısınalyq kómekke qol jetkizý maqsatynda emhanalar janynda mobıldi brıgadalar quryldy, olar úıde medısınalyq qyzmetter keshenin kórsetedi ( dárigerdi qaraý, em taǵaıyndaý, resept jazý, manıpýlásıalar júrgizý jáne t.b.). Sondaı-aq, úıde stasıonarlyq qyzmet uıymdastyrý da qarastyrylǵan.
