ايتا كەتۋ كەرەك، ناۋرىز ايىمەن سالىستىرعاندا ماۋسىمدا توسەك-كۇننىڭ جالپى سانى 8 ەسەگە، جۇقپالى اۋرۋلارعا – 26 ەسەگە ارتتى. وسى كەزەڭدە كارانتيندىك ستاسيونارلارعا 327 مىڭ توسەك-كۇن، جۇقپالى اۋرۋلار ءۇشىن 270 مىڭ توسەك-كۇنگە قارجى تولەندى.
ماۋسىم ايىندا ناۋرىز ايىمەن سالىستىرعاندا پروۆيزيالىق ستاسيونارلاردا توسەك-كۇن سانى ايتارلىقتاي ءوستى: ناۋرىز ايىندا 21 مىڭنان ماۋسىم ايىندا 100 مىڭ توسەك-كۇنگە دەيىن.
توسەك-كۇنگە پاسيەنتتىڭ ستاسيوناردا ورنى، اۋرۋدىڭ دياگنوستيكاسى مەن ەمى كىرەدى.
ءقازىر دەنساۋلىق ساقتاۋ جۇيەسىندە توسەك قورىن ۇلعايتۋ قاجەت. قازاقستاندىقتارعا مەديسينالىق كومەك كورسەتۋ ساپاسىن جاقسارتۋ ءۇشىن قور شىلدە ايىندا مەديسينالىق ۇيىمدارعا ءتاريفتى كوتەردى.
ەندى قور پروۆيزورلىق ستاسيونارعا 1 توسەك-كۇن ءۇشىن 21،9 مىڭنان استام تەڭگە تولەسە، تاۋلىك بويى ستاسيونارعا – 32،2 مىڭ تەڭگە تولەيدى. ەگەر ناۋقاس انەستەزيولوگيا، رەانيماسيا جانە قارقىندى تەراپيا بولىمشەسىندە ەمدەلسە، قور ناۋقاستىڭ 1 توسەك-كۇنىنە 70 مىڭ تەڭگەگە جۋىق قارجى بولەدى.
مەديسينالىق ساقتاندىرۋ قورىندا اتالعان قىزمەتتەرگە ءتاريفتىڭ ارتۋى قور جەتكىزۋشىلەرىنىڭ سانىن كوبەيتۋگە، كوروناۆيرۋس پەن پنيەۆمونياعا شالدىققان ناۋقاستاردى ەمدەۋگە جەكە اۋرۋحانالاردى بەلسەندى تارتۋعا جانە ستاسيونارلارداعى مەديسينالىق كومەكتىڭ ساپاسىن ىنتالاندىرۋعا مۇمكىندىك بەرەدى.
الەۋمەتتىك مەديسينالىق ساقتاندىرۋ قورى 304 ينفەكسيالىق/پروۆيزورلىق ستاسيونارمەن ورىنداۋ/بىرلەسىپ ورىنداۋ شارتتارىن جاساستى. وسى جىلدىڭ 30 ماۋسىمىنان توسەك سانى 28 796-دان 47 455-كە دەيىن ارتتى، 18 659 توسەك (64،7%) قوسىلدى. توسەك قورىنىڭ 70% بوس ەمەس. Covid-19 ەمدەۋگە تارتىلعان ستاسيونارلارداعى ورىندارعا كۇن سايىن مونيتورينگ جۇرگىزىلەدى. بۇل كورسەتكىش جەرگىلىكتى اتقارۋشى ورگانداردىڭ جۇمىسىنىڭ ينديكاتورى بولىپ تابىلادى. وڭىردەگى كەرەۋەت قورىنىڭ 70 پايىزى بوس ەمەس، رەزەرۆتەن قوسىمشا كەرەۋەت اشۋ بويىنشا شارالار قابىلدانۋدا.
سونىمەن قاتار، № 10 كلينيكالىق حاتتاماعا، 2020 جىلعى 4 شىلدەدەگى № 104 باسىلىمعا سايكەس، اۋرۋدىڭ اسيمپتوماتيكالىق جانە جەڭىل ءتۇرى بار ناۋقاستاردى تۇرعىلىقتى جەرى بويىنشا اۋماقتىق ەمحانالاردىڭ ۋچاسكەلىك دارىگەرلەرى باقىلايدى.
ستاسيونارلىق ەمگە Covid-19 شالدىققان ورتاشا اۋىر جانە اۋىر جاعدايداعى پاسيەنتتەر عانا جاتقىزىلادى.
سونداي-اق، امبۋلاتوريالىق دەڭگەيدە مەديسينالىق كومەككە قول جەتكىزۋ ماقساتىندا ەمحانالار جانىندا ءموبيلدى بريگادالار قۇرىلدى، ولار ۇيدە مەديسينالىق قىزمەتتەر كەشەنىن كورسەتەدى ( دارىگەردى قاراۋ، ەم تاعايىنداۋ، رەسەپت جازۋ، مانيپۋلياسيالار جۇرگىزۋ جانە ت.ب.). سونداي-اق، ۇيدە ستاسيونارلىق قىزمەت ۇيىمداستىرۋ دا قاراستىرىلعان.
