Prezident Qasym-Jomart Toqaev Iadrolyq synaqtarǵa qarsy halyqaralyq is-qimyl kúnine orai úndeý jasady, dep habarlaidy dalanews.kz.
Memleket basshysy bul ataýly kúnniń Qazaqstannyń bastamasymen BUU Bas Assambleiasynyń sheshimimen bekitilgenin atap ótti. Onyń aitýynsha, elimiz iadrolyq qarýsyzdaný jáne jappai qyryp-joiatyn qarýdy taratpaý máselesinde beibit bastamalardy dáiekti túrde qoldap keledi.
Prezident osydan 35 jyl buryn, halyqaralyq jaǵdai kúrdeli kezeńde Semei iadrolyq poligonynyń jabylǵanyn eske saldy. Onda ondaǵan jyl boiy júrgizilgen iadrolyq synaqtar halyqtyń densaýlyǵyna jáne qorshaǵan ortaǵa orasan ziian keltirip, orny tolmas qasiretke ushyratty.
"Osydan 35 jyl buryn halyqaralyq ahýal kúrdeli bolǵanyna qaramastan, Semei iadrolyq poligony jabyldy. Ondaǵan jyl boiy jasalǵan jarylystar azamattarymyzdyń densaýlyǵyna jáne qorshaǵan ortaǵa orasan zor zardabyn tigizip, halqymyzǵa orny tolmas qasiret ákeldi", - dedi Qasym-Jomart Toqaev.
Memleket basshysy Qazaqstan kezinde álemdegi qýaty jaǵynan tórtinshi iadrolyq arsenaldan óz erkimen bas tartqanyn da atap ótti. Osy tarihi sheshimdi negizge ala otyryp, elimiz atom energiiasy tek beibit ári jasampaz maqsatta paidalanylýy kerek degen ustanymdy qoldaidy.
Sonymen qatar Prezident halyqaralyq qaýymdastyqty Iadrolyq synaqtarǵa jan-jaqty tyiym salý týraly sharttyń kúshine enýin jedeldetýge shaqyrdy.
Aita keteiik, 29 tamyz – Iadrolyq synaqtarǵa qarsy halyqaralyq is-qimyl kúni. Bul data Semei iadrolyq poligonynyń jabylǵan kúnimen tuspa-tus keledi.
