Buǵan deıin BAQ pen áleýmettik jelilerde Almaty oblysynda birneshe adam jetim qyzdy "zorlap", vıdeoǵa túsirgeni týraly aqparat tarady. Jaǵaustatar jaıtqa qatysty taǵy bir derek shyqty, dep habarlaıdy Dalanews.kz.
Orda.kz málimetinshe, oqıǵa Jambyl aýdanyna qarasty Qarǵaly aýylynda bolǵan. Basylym dereginshe, bir top oqýshy 13 jastaǵy qyzdy shaqyryp, telefonǵa túsirip alǵan, keıin bul jazbany Telegram arnaǵa satyp jibergen.
"Vıdeo 21 qyrkúıekte túsirilgen. Ony bir Telegram arnaǵa satyp, 45 myń teńge alǵan. Basqa beınematerıaldar tabylǵan joq", - degen mekteptiń ata-analar komıtetiniń múshesi Saıda basylymǵa.
Bul derek boıynsha qylmystyq is qozǵaldy. Qazir oqıǵanyń barlyq mán-jaıyn anyqtaýǵa baǵyttalǵan tergeý júrgizilip jatyr. Sondyqtan resmı aqparat ázirge aıtylmady.
