Eýropalyq odaqtyń Reseige qarsy kezekti sanktsiialar tizimine “VTB (Qazaqstan)” banki de endi. Alaida bul sheshim Qazaqstan ekonomikasyna eshqandai qaýip tóndirmeidi. Bul týraly Ulttyq bank tóraǵasynyń orynbasary Erulan Jamaýbaev málimdedi, dep habarlaidy Dalanews.kz.
“VTB banki eldiń qarjy júiesine eleýli áser etpeidi. Sondyqtan bul jaǵdaidan qorqýǵa nemese alańdaýǵa negiz joq. Ázirge naqty aqparattar taldaný ústinde. Biz salymshylardyń jaǵdaiyn, bank júiesine yqpalyn jiti baqylap otyramyz", - dedi ol senat kýlýarynda ótken kezdesýde.
Onyń aitýynsha, Ulttyq bank kez kelgen táýekeldi aldyn ala baqylap, júieli túrde qadaǵalaidy.
"Eń bastysy, bank klientteri men qarapaiym halyq zardap shekpeýi kerek. Sonymen qatar biznestiń de múddesin eskerýimiz qajet. Eger tólemder men aqsha aýdarymdaryna qatysty qiyndyqtar týyndasa, kómek kórsetemiz", — dedi Jamaýbaev.
Sondai-aq ol banktiń turaqtylyǵy depozitterge ǵana emes, menshikti kapitalyna da bailanysty ekenin aitty.
"Sanktsiia máselesi búgin ǵana paida bolǵan joq, úsh jyldan beri bar. Sondyqtan Qazaqstandaǵy barlyq bank pen kompaniia únemi baqylaýda. Úkimet pen Ulttyq bank elde ekinshilik sanktsiialar oryn almaýy úshin jaǵdaidy muqiiat qadaǵalap otyr. Bul baǵyttaǵy jumys jalǵasyn tabady", - dedi Erulan Jamaýbaev.
