ەۋروپالىق وداقتىڭ رەسەيگە قارسى كەزەكتٸ سانكتسييالار تٸزٸمٸنە “ۆتب (قازاقستان)” بانكٸ دە ەندٸ. الايدا بۇل شەشٸم قازاقستان ەكونوميكاسىنا ەشقانداي قاۋٸپ تٶندٸرمەيدٸ. بۇل تۋرالى ۇلتتىق بانك تٶراعاسىنىڭ ورىنباسارى ەرۇلان جاماۋباەۆ مەلٸمدەدٸ, دەپ حابارلايدى Dalanews.kz.
“ۆتب بانكٸ ەلدٸڭ قارجى جٷيەسٸنە ەلەۋلٸ ەسەر ەتپەيدٸ. سوندىقتان بۇل جاعدايدان قورقۋعا نەمەسە الاڭداۋعا نەگٸز جوق. ەزٸرگە ناقتى اقپاراتتار تالدانۋ ٷستٸندە. بٸز سالىمشىلاردىڭ جاعدايىن, بانك جٷيەسٸنە ىقپالىن جٸتٸ باقىلاپ وتىرامىز", - دەدٸ ول سەنات كۋلۋارىندا ٶتكەن كەزدەسۋدە.
ونىڭ ايتۋىنشا, ۇلتتىق بانك كەز كەلگەن تەۋەكەلدٸ الدىن الا باقىلاپ, جٷيەلٸ تٷردە قاداعالايدى.
"ەڭ باستىسى, بانك كليەنتتەرٸ مەن قاراپايىم حالىق زارداپ شەكپەۋٸ كەرەك. سونىمەن قاتار بيزنەستٸڭ دە مٷددەسٸن ەسكەرۋٸمٸز قاجەت. ەگەر تٶلەمدەر مەن اقشا اۋدارىمدارىنا قاتىستى قيىندىقتار تۋىنداسا, كٶمەك كٶرسەتەمٸز", — دەدٸ جاماۋباەۆ.
سونداي-اق ول بانكتٸڭ تۇراقتىلىعى دەپوزيتتەرگە عانا ەمەس, مەنشٸكتٸ كاپيتالىنا دا بايلانىستى ەكەنٸن ايتتى.
"سانكتسييا مەسەلەسٸ بٷگٸن عانا پايدا بولعان جوق, ٷش جىلدان بەرٸ بار. سوندىقتان قازاقستانداعى بارلىق بانك پەن كومپانييا ٷنەمٸ باقىلاۋدا. ٷكٸمەت پەن ۇلتتىق بانك ەلدە ەكٸنشٸلٸك سانكتسييالار ورىن الماۋى ٷشٸن جاعدايدى مۇقييات قاداعالاپ وتىر. بۇل باعىتتاعى جۇمىس جالعاسىن تابادى", - دەدٸ ەرۇلان جاماۋباەۆ.
