Túrkistan oblysynda veterinariia salasynda 928 mln teńge biýdjet qarajatyn jymqyrý deregi anyqtaldy, dep habarlaidy Dala News.
Oblys prokýratýrasynyń málimetinshe, 2022–2025 jyldar aralyǵynda «Veterinariialyq qyzmet» MKK basshylary men qyzmetkerleri satyp alýlar kezinde jalǵan málimetter engizip, qarajatty zańsyz aýdaryp otyrǵan.
Atap aitqanda, kúdiktiler ETsQ-laryn paidalanyp, tólem tapsyrmalarynda birdei JSN-dardy kórsetip, tek kompaniia ataýlaryn ózgertý arqyly áreketterin jasyrǵan.
Tekserý barysynda kásipkerler tarapynan eshqandai qyzmet kórsetilmegeni jáne taýar jetkizilmegeni anyqtalǵan.
Osynyń saldarynan memleketke iri kólemde shyǵyn keltirilgen.
Atalǵan fakti boiynsha qylmystyq is QR QK-niń 189-baby 4-bóligi boiynsha tirkelip, tergeýdi arnaiy prokýrorlar júrgizip jatyr.
26 naýryzda tórt laýazymdy tulǵa – eki burynǵy basshy, olardyń orynbasary jáne bas býhgalter – kúdikti retinde ustalyp, qamaýǵa alyndy.
Qazirgi ýaqytta basqa da tulǵalardyń qatysy bar-joǵy tekserilýde.
