Úzdik tehnologiialar kórmesi
Saltanatty sharanyń ashylý rásiminde QR Bilim jáne ǵylym ministri A.Sárinjipov, QR Ulttyq kásipkerler palatasynyń áleýmettik sala jáne áleýmettik áriptestik komitetiniń tóraǵasy T.Doskenov, «Nazarbaev Ziiatkerlik mektepteri» aktsionerlik qoǵamynyń basqarma tóraǵasy K.Shamshidinova jáne de «Worlddidac» qaýymdastyǵynyń bas direktory Beat Jost myrza qatysty. Kórmeniń ashylý saltanatynyń rásimi kezinde QR Bilim jáne ǵylym ministrligi men «Worlddidac» qaýymdastyǵy jáne Qazaqstan Respýblikasy Ulttyq kásipkerler palatasymen ózara yntymaqtastyq týraly memorandýmǵa qol qoiyldy. Memorandým barysynda qarastyrylǵan uzaq merzimdi áriptestik, Qazaqstannyń bilim berý protsesiniń barlyq qatysýshylaryna úzdik bilim berý resýrstary men tehnologiialaryn qamtamasyz etýge baǵyttalyp, halyqaralyq uiymdar tarapynan Qazaqstannyń bilim berýine investitsiialyq qoldaý kórsetý jáne de Qazaqstannyń bilim berý júiesin qazirgi zamanǵy álemdik úrdistermen qamtamasyz etý bolyp keledi. «Elimizde bilim berý sapasyn arttyrý úshin aýqymdy maqsattar qoiylýda, bilim berý aýmaǵyna jańa innovatsiialar engizilýde. Barsha qyzyǵýshylyq tanytqandarǵa halyqaralyq kórme aitýly oqiǵa bolyp, bilim berýdiń barlyq deńgeileri úshin oqý jabdyqtaryn qurýdyń sońǵy jetistikterimen tanysýǵa múmkindik berdi. Ony keleshekte mektepterde paidalanýǵa bolady», – dedi A. Sárinjipov.
Elimizde uiymdastyrylǵan chempionat Qazaqstan Respýblikasy Prezidentiniń kezekten tys sailaýy qarsańynda ótip otyrǵandyqtan, Memleket basshysy Nursultan Nazarbaevtyń «Nurly jol – bolashaqqa bastar jol» Joldaýynda qoiylǵan mindetterdi aiqyndaýǵa baǵyttaldy.
Elimiz boiynsha World Skills jeńimpazdarynan quralǵan komanda Braziliiaǵa baryp, Qazaqstannyń namysyn qorǵaidy. Chempionatqa 70-ten astam el qatysady dep kútilýde.
