سالتاناتتى شارانىڭ اشىلۋ راسىمىندە ق ر ءبىلىم جانە عىلىم ءمينيسترى ا.ءسارىنجىپوۆ، ق ر ۇلتتىق كاسىپكەرلەر پالاتاسىنىڭ الەۋمەتتىك سالا جانە الەۋمەتتىك ارىپتەستىك كوميتەتىنىڭ ءتوراعاسى ت.دوسكەنوۆ، «نازاربايەۆ زياتكەرلىك مەكتەپتەرى» اكسيونەرلىك قوعامىنىڭ باسقارما ءتوراعاسى ك.شامشيدينوۆا جانە دە «Worlddidac» قاۋىمداستىعىنىڭ باس ديرەكتورى Beat Jost مىرزا قاتىستى. كورمەنىڭ اشىلۋ سالتاناتىنىڭ ءراسىمى كەزىندە ق ر ءبىلىم جانە عىلىم مينيسترلىگى مەن «Worlddidac» قاۋىمداستىعى جانە قازاقستان رەسپۋبليكاسى ۇلتتىق كاسىپكەرلەر پالاتاسىمەن ءوزارا ىنتىماقتاستىق تۋرالى مەموراندۋمعا قول قويىلدى. مەموراندۋم بارىسىندا قاراستىرىلعان ۇزاق مەرزىمدى ارىپتەستىك، قازاقستاننىڭ ءبىلىم بەرۋ پروسەسىنىڭ بارلىق قاتىسۋشىلارىنا ۇزدىك ءبىلىم بەرۋ رەسۋرستارى مەن تەحنولوگيالارىن قامتاماسىز ەتۋگە باعىتتالىپ، حالىقارالىق ۇيىمدار تاراپىنان قازاقستاننىڭ ءبىلىم بەرۋىنە ينۆەستيسيالىق قولداۋ كورسەتۋ جانە دە قازاقستاننىڭ ءبىلىم بەرۋ جۇيەسىن قازىرگى زامانعى الەمدىك ۇردىستەرمەن قامتاماسىز ەتۋ بولىپ كەلەدى. «ەلىمىزدە ءبىلىم بەرۋ ساپاسىن ارتتىرۋ ءۇشىن اۋقىمدى ماقساتتار قويىلۋدا، ءبىلىم بەرۋ اۋماعىنا جاڭا يننوۆاسيالار ەنگىزىلۋدە. بارشا قىزىعۋشىلىق تانىتقاندارعا حالىقارالىق كورمە ايتۋلى وقيعا بولىپ، ءبىلىم بەرۋدىڭ بارلىق دەڭگەيلەرى ءۇشىن وقۋ جابدىقتارىن قۇرۋدىڭ سوڭعى جەتىستىكتەرىمەن تانىسۋعا مۇمكىندىك بەردى. ونى كەلەشەكتە مەكتەپتەردە پايدالانۋعا بولادى»، – دەدى ا. ءسارىنجىپوۆ.
ەلىمىزدە ۇيىمداستىرىلعان چەمپيونات قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى قارساڭىندا ءوتىپ وتىرعاندىقتان، مەملەكەت باسشىسى نۇرسۇلتان نازاربايەۆتىڭ «نۇرلى جول – بولاشاققا باستار جول» جولداۋىندا قويىلعان مىندەتتەردى ايقىنداۋعا باعىتتالدى.
ەلىمىز بويىنشا World Skills جەڭىمپازدارىنان قۇرالعان كوماندا برازيلياعا بارىپ، قازاقستاننىڭ نامىسىن قورعايدى. چەمپيوناتقا 70-تەن استام ەل قاتىسادى دەپ كۇتىلۋدە.
