Aqtóbe oblysy Qandyaǵash qalasynyń ákimi Qazbek Aqqaıyrǵa qatysty sotta daýly is qaraldy, dep habarlaıdy Dalanews.kz.

Tergeý materıaldaryna sáıkes, ótken jyldyń sońynda 39 jastaǵy ákim jergilikti balabaqshanyń tárbıeshisin uryp-soǵyp, basyna jáne betine birneshe soqqy jasaǵan. Sondaı-aq, oqıǵa kezinde balaǵat sózder aıtqany da kórsetilgen. Dárigerler jábirlenýshige «mı shaıqalýy» degen dıagnoz qoıǵan.

Zardap shekken tárbıeshi óziniń ákimmen jaqyn qarym-qatynasta bolǵanyn aıtqan. Alaıda Qazbek Aqqaıyr bul aıyptaýlardyń barlyǵyn joqqa shyǵaryp otyr.

Bul ákimniń aty birinshi ret daý-damaıǵa ilikken joq. Bıyldyń ózinde Ádep jónindegi keńes oǵan eki ret tártiptik jaza qoldanǵan. Sondaı-aq, turǵyndarmen dóreki sóılegeni úshin de birneshe shaǵym túsken.

Aıta keteıik, Qazbek Aqqaıyr 2020 jyly respýblıkalyq «Úzdik aýyl ákimi» baıqaýynda jeńimpaz atanǵan bolatyn.