Qazaqstanda ambýlatorlyq deńgeide em alyp jatqan patsientter úshin koronavirýstan emdeý hattamasyna 5 preparat qosyldy. Olar – paratsetamol, ibýprofen jáne rivaroksaban, apiksaban, dabigatran antikoagýlianttary.
– Naýqastar ambýlatorlyq deńgeide bul dárilerdi tegin alýy úshin birqatar qujatqa ózgeris engizildi. Hattamaǵa jańa qosylǵan preparattarǵa búkil óńir ótinim berdi. Qazir Biryńǵai distribiýtor satyp alý protsedýrasyn júrgizip jatyr. On kúnnen keiin dári-dármekter koronavirýstan ambýlatorlyq deńgeide emdelip jatqan patsientterge qoljetimdi bolady, – dep jazdy Biýrabekova jelide.
Ol koronavirýs diagnozy qoiylǵan patsientter preparattardy ózi tirkelgen emhanadan, tek dárigerdiń taǵaiyndaýymen tegin ala alatynyn atap ótti.
Eger patsientke bul dáriler tegin berilmese, Biryńǵai distribiýtordyń 1439 bailanys ortalyǵyna habarlasyp shaǵymdanýǵa bolady.
Vitse-ministrdiń aitýynsha, qazir koronavirýs infektsiiasynan emdeý úshin túpnusqadaǵy Baier (Rivaroksaban) kompaniiasynyń Ksarelto, Pfaizer (Apiksaban) kompaniiasynyń Elikvis, Beringer Ingelhaim (Dabigatran) kompaniiasynyń Pradaks antikoagýliantyn satyp alý boiynsha óndirýshilermen kelisssóz júrgizilýde.
