Uiatsyz rolikke túsken ánshi máńgilikke sahnadan shettetildi
Ánshiniń sahnadan shettetilgenin “Ózbeknavo” memlekettik estradalyq birlestiktiń bas direktory Farhod Djýraevtyń ózi málim etti.
“Tamila eshqashan litsenziia ala almaidy, ne úshin ekenin bilesizder”, – dedi jýrnalister suraǵyna jaýap bergen Djýraev.
Onyń sózinshe, jýyrda ǵana ol ánshimen onyń sahnaǵa oralýy týraly áńgimelesken. Biraq, ol bulai etýdiń esh jóni joq ekenine taǵy kóz jetkizedi. Osylaisha ol ánshige dárigerge qaralýǵa keńes bergen.
“Onyń bala kezden kele jatqan qandai da bir aýytqýshylyǵy bar sekildi, áiteýir durys emes. Ol sahnaǵa emes, psihologqa barý kerek”, – dedi “Ózbeknavo” basshysy.
Eske sala ketsek, ánshi Tamila tóńiregindegi daý (shyn esimi Esmeralda Rahmatova) Ózbekstanda 2016 jyldyń basynda bastalǵan edi. Daýǵa onyń jalańash kúide áýesqoi beinerolikke túsýi sebep boldy. Budan soń “Ózbeknavo” Tamilanyń óz elinde jáne shet elde kontsert berý quqyǵynan shektegen edi.
Ánshini qorǵaý úshin birqatar onyń áriptesteri men jeli qoldanýshylary atsalysqan. Olar videoda onyń jeke ómiri, al shyǵarmashylyǵyna esh qatysy joq deidi. Daý shyqqan soń ánshi Qazaqstanǵa keldi degen de aqparat jaryq kórgen bolatyn.
