Qazaqstandaǵy takside qyz-kelinshekterdiń qandai qiyndyqtarǵa tap bolatyny bárimizge belgili: orynsyz ázilder, tanysý usynystary, keide tipti qolmen ustap qalýǵa deiin barady. Bul kópten beri jasyryn, aitylmai kelgen másele edi, - dep habarlaidy Dalanews.kz.
«Jańa adamdar» qozǵalysynyń «TUMAR» toby máseleniń qanshalyqty ýshyǵyp turǵanyn anyqtaýǵa sheshim qabyldady.
Nátijesi: jaǵdai óte aýyr. Birinshi kúni júrgizilgen 7 sapardyń bárinde qyzdarǵa orynsyz sózder aitylyp, jabysýlar bolǵan. Ekinshi kúni de jaǵdai ońalmady: tórt sapardyń úsheýinde qyzdarǵa qyryndaýlar jasaldy. Sonyń ishinde bir oqiǵa tipti tótenshe jaǵdaiǵa ainaldy... (Videosy osy tusta).
Taksi júrgizýshisi esikterdi jaýyp, jolaýshyny basqa jaqqa alyp ketken.
Osy kezde kólikti baqylap júrgen «TUMAR» jobasynyń belsendileri jaǵdaidy baqylaýǵa alyp, taksidy toqtatýǵa áreket jasaidy. Biraq júrgizýshi qashýǵa tyrysyp, kishkene qýǵynǵa túsedi. Abyroi bolǵanda, jolaýshy qutqaryldy.
Taksi júrgizýshisi – 1995 jyly týǵan Erbolat Amanjoluly.
Syrttai qarasań, eshbir oǵashtyǵy joq, qarapaiym adam siiaqty. Biraq kameraǵa túsip qalǵan áreketteri bárin kórsetip tur: qyzǵa orynsyz sózder aityp, tipti qol tigizýge tyrysqan.
Bul jaǵdaiǵa pikir aitýdyń qajeti de joq...
Qýǵyn kezinde júrgizýshiniń kólik nómiri túsip qalǵan, osy arqyly onyń kim ekeni anyqtaldy. «Jańa adamdar» qozǵalysynyń belsendileri bul oqiǵa boiynsha politsiiaǵa aryz jazyp, isti zańdy túrde sheshýdi talap etti.
Al álgi júrgizýshi óz nómirin qaitaryp alǵysy kelse, Almatydaǵy qozǵalys keńsesine kelip, alyp kete alady. Biraq oǵan batyly jete me eken?
Áleýmettik tájiribeniń maqsaty qandai?
«TUMAR» qozǵalysynyń belsendisi Slemǵali Shakizady qyz-kelinshekterge úndeý tastaidy:
«Zorlyq-zombylyqty, qýdalaýdy jasyrmai, ashyq aitý kerek. Sizderdiń bastaryńyzdan ótken jaǵdailar týraly bólisińizder, #tumarsafetaxi heshtegimen áleýmettik jelilerde jazba qaldyryńyzdar. Qoǵamǵa qaýipti júrgizýshilerdiń attaryn, kólik nómirlerin jariia etý kerek. Olar jurttyń aldynda masqara bolýdan qorqady. Sondyqtan biz olardy búkil elge kórsetýimiz kerek. Qazaqstan olardy tanýy tiis!»
