Saýdagerlerdiń aıtýynsha, reıd barysynda onshaqty adam Ulttyq qaýipsizdik qyzmetiniń tergeý abaqtysyna jetkizilip, shetelden telefon tasıtyn kásipkerlerdiń aty-jónin aıtýdy talap etip jatqan kórinedi.
Bazarda jumys isteıtinder mundaı reıdterdi shetelden ákelinetin telefondardy tirkeý boıynsha jańa erejeniń kúshine enýimen baılanystyrady.
1 qarashadan bastap Ózbekstanda mobıldik telefondardyń IMEI kodyn UZIMEI birińǵaı málimetter bazasyna tirkeý erejesi engizilgen. Odan telefon baǵasynan 15 prosent kóleminde baj salyǵy alynady. Tirkeýden ótpegen telefondarǵa jergilikti uıaly operatorlar baılanysy qoljetimsiz bolady.
Jańa erejege sáıkes, árbir azamat alty aıdyń ishinde shetelden satyp alǵan telefondaryn tirkeýden ótkizýi tıis.
Osyǵan deıin mundaı ereje Reseıde, Belarýsta, Qazaqstanda jáne Tájikstanda engizilgen. Mundaı sheshimderdi el bıligi «qylmysqa qarsy kúrespen» túsindiredi.
Ózbekstandyq kásipkerler IMEI kodtardy tirkeý monopolıserdiń qolynda ekenin jáne onyń qaýipsizdikke esh qatysy joqtyǵyn aıtady.
