ساۋداگەرلەردىڭ ايتۋىنشا، رەيد بارىسىندا ونشاقتى ادام ۇلتتىق قاۋىپسىزدىك قىزمەتىنىڭ تەرگەۋ اباقتىسىنا جەتكىزىلىپ، شەتەلدەن تەلەفون تاسيتىن كاسىپكەرلەردىڭ ءاتى-جونىن ايتۋدى تالاپ ەتىپ جاتقان كورىنەدى.
بازاردا جۇمىس ىستەيتىندەر مۇنداي رەيدتەردى شەتەلدەن اكەلىنەتىن تەلەفونداردى تىركەۋ بويىنشا جاڭا ەرەجەنىڭ كۇشىنە ەنۋىمەن بايلانىستىرادى.
1 قاراشادان باستاپ وزبەكستاندا موبيلدىك تەلەفونداردىڭ IMEI كودىن UZIMEI ءبىرىڭعاي مالىمەتتەر بازاسىنا تىركەۋ ەرەجەسى ەنگىزىلگەن. ودان تەلەفون باعاسىنان 15 پروسەنت كولەمىندە باج سالىعى الىنادى. تىركەۋدەن وتپەگەن تەلەفوندارعا جەرگىلىكتى ۇيالى وپەراتورلار بايلانىسى قولجەتىمسىز بولادى.
جاڭا ەرەجەگە سايكەس، ءاربىر ازامات التى ايدىڭ ىشىندە شەتەلدەن ساتىپ العان تەلەفوندارىن تىركەۋدەن وتكىزۋى ءتيىس.
وسىعان دەيىن مۇنداي ەرەجە رەسەيدە، بەلارۋستا، قازاقستاندا جانە تاجىكستاندا ەنگىزىلگەن. مۇنداي شەشىمدەردى ەل بيلىگى «قىلمىسقا قارسى كۇرەسپەن» تۇسىندىرەدى.
وزبەكستاندىق كاسىپكەرلەر IMEI كودتاردى تىركەۋ مونوپوليستەردىڭ قولىندا ەكەنىن جانە ونىڭ قاۋىپسىزدىككە ەش قاتىسى جوقتىعىن ايتادى.
