«Úi ápermek bolǵan». Shymkenttikter alaiaqtarǵa aldanyp jatyr
Taksi júrgizýshisi jolaýshylarǵa memlekettik baǵdarlama boiynsha páter satyp alýǵa kómektesken. Onyń «qyzmeti» 100 myńnan 500 myń teńgege deiin bolǵan. 7 azamat alaiaqtyń sózine senip, oǵan 1 million 585 myń teńge kóleminde aqsha bergen.
Alaiaqtyq derekteri boiynsha politseiler birqatar jedel is-shara ótkizgen: jábirlenýshiler men kýágerlerden jaýap alynyp, aqsha aýdarymdary chekteri tekserilgen. Nátijesinde kúdiktiniń jeke basy anyqtalyp, turǵylyqty jeri boiynsha ustalǵan.
"Tergeý áreketteri aiaqtalǵan soń qylmystyq is aiyptaý aktisimen sotqa jiberildi. QR Qylmystyq kodeksiniń 190-baby 3-bóliginiń 4-tarmaǵynda kózdelgen qylmysty jasaǵany úshin sot úkimimen er adamǵa 4 jyl 6 aiǵa bas bostandyǵyn shekteý jazasy taǵaiyndaldy" delingen habarlamada.
