تاكسي جۇرگىزۋشىسى جولاۋشىلارعا مەملەكەتتىك باعدارلاما بويىنشا پاتەر ساتىپ الۋعا كومەكتەسكەن. ونىڭ «قىزمەتى» 100 مىڭنان 500 مىڭ تەڭگەگە دەيىن بولعان. 7 ازامات الاياقتىڭ سوزىنە سەنىپ، وعان 1 ميلليون 585 مىڭ تەڭگە كولەمىندە اقشا بەرگەن.
الاياقتىق دەرەكتەرى بويىنشا پوليسەيلەر ءبىرقاتار جەدەل ءىس-شارا وتكىزگەن: جابىرلەنۋشىلەر مەن كۋاگەرلەردەن جاۋاپ الىنىپ، اقشا اۋدارىمدارى چەكتەرى تەكسەرىلگەن. ناتيجەسىندە كۇدىكتىنىڭ جەكە باسى انىقتالىپ، تۇرعىلىقتى جەرى بويىنشا ۇستالعان.
"تەرگەۋ ارەكەتتەرى اياقتالعان سوڭ قىلمىستىق ءىس ايىپتاۋ اكتىسىمەن سوتقا جىبەرىلدى. ق ر قىلمىستىق كودەكسىنىڭ 190-بابى 3-بولىگىنىڭ 4-تارماعىندا كوزدەلگەن قىلمىستى جاساعانى ءۇشىن سوت ۇكىمىمەن ەر ادامعا 4 جىل 6 ايعا باس بوستاندىعىن شەكتەۋ جازاسى تاعايىندالدى" دەلىنگەن حابارلامادا.
