Bizdiń úkimet QHR úkimetine ondaǵy 61 qazaqstandyq stýdentterdi evakýatsiialaýǵa ótinish bildirdi, - dedi elimizdiń bas sanitarlyq dárigeri Jandarbek Bekshin arnaiy baspasóz máslihatynda, dep habarlaidy Dalanews.kz.
- Búgin tańerteń habarlanǵandai, bizdiń úkimet QHR-ǵa Ýhandaǵy 61 stýdentti evakýatsiialaýdy uiymdastyrýǵa nietti ekenin bildirdi, - dedi Bekshin.
Onyń aitýynsha, olardy elge alyp qaitý úshin arnaiy qorǵanys kostiýmindegi qazaqstandyq dárigerleri bar jeke ushaq shyǵarylady.
- Kelgennen keiin stýdentter jabyq orynǵa ornalastyrylyp, 14 kúnge karantinge jabylady. Biz Qytai tarapynan ózimizdiń ushaqtyń shyǵýyna kelisimin bergenin kútip otyrmyz. Osy sebepti de ázirge shekarany jabý múmkin bolmai tur, - dep tolyqtyrdy sózin bas dáriger.
Buǵan deiin QR Syrtqy ister ministriniń birinshi orynbasary Shahrat Nuryshev Ýhandaǵy stýdentterge arnaiy ushaq jiberilýi múmkin ekenin aitqan.
