TikTok jelisinde @FinRunner degen nikpen tirkelgen avtobloger ýtilalymdy alyp tastaýǵa qatysty petitsiia jariialaǵan avtorlardyń aitqanyn áshkereleitin rolik saldy. Qoldanýshy ýtilizatsiialyq alymnyń avtokólik naryǵyna áserin naqty sanmen eseptep berdi. Nátijesinde «ýtilalymdy alyp tastaǵannan keiin avtokólik baǵasy 3,5-4 mln teńgege arzandaidy» degen sózdiń shyndyqqa asa janaspaityn kórsetti.
«Ýtilalym alyp tastaǵan soń, avtonaryq qanshalyqty arzandaidy?» degen suraqqa jaýap izdegen avtor mynadai jaǵdaidy alyp qarastyrdy. Bloger esepteýge kólemi 2 litrge deiingi kólikti aldy. Petitsiia avtorlary ýtilalymdy alyp tastaǵan jaǵdaida Grýziia, Dýbai ne Qytaidan alyp kelgen kólik baǵasy 3,4-4 mln teńgege shyǵady deidi. Rolikte ýtilalymnyń qazirgi mólsherlemesi jazylǵan. Onda 2 litrlik mashinanyń tólemi 646 myń teńge bolady delingen. Demek, arzandasa, osynsha somaǵa ǵana arzandaidy. Oǵan qosa importtalyp keletin kóliktiń logistikaǵa ketetin shyǵyn men bastapqy tirkeý tólemi bar.
«Ýtilizatsiialyq alym avtonaryqqa asa qatty áser etpeidi. Alyp tastaǵan soń barlyǵy aiaq-asty ádemi Samry ne arzan Cobalt-qa minip ketedi dep senýdiń keregi joq. Baspen oilanyp qarasaq, sandar kóz aldyńyzda tur. Tegin eshteńe joq. Qytaidan 3 millionǵa ELANTRA alam dep oilamańyz», — delingen rolikte.
Blogerdiń sózine súiensek, ýtilalymdy alyp tastaýdy qoldaityndar alym avtokóliktiń shyqqan jylyna bailanysty ózgerip turady dep aqparatty da bura tartyp otyr. «Ekinshi qate aqparat — ýtildiń 3 jyldan asqan kólikterge qymbat ekenine qatysty. Alym baǵasy kóliktiń shyqqan jylyna emes, ishki janý qozǵaltqyshynyń kólemine ǵana bailanysty (neǵurlym joǵary bolsa, soǵurlym qymbat).
Shyqqan jyly bastapqy tirkeý kezinde eskeriledi:
- 2 jylǵa deiin bolsa — 923 teńge
- 2-3 jyl arasynda bolsa — 184 600 teńge
- 3 jyldan assa — 1 846 000 teńge.
Rolik avtory Boqaev komandasy qos standart ustanatyn syńaily deidi. Synnyń astyna tek ekologiialyq alym túsip jatyr. Al bastapqy tirkeý týraly aityla bermeidi. Ýtilalymdy alyp tastasa avtonaryqta úlken ózgeris bolady degen tezis shyndyqqa janaspaidy deidi qoldanýshy.
«Bastapqy tirkeýdi alyp tastaý týraly taqyryp janama ǵana talqylanyp jatyr. Boqaevtyń ózi de asa aita bermeidi. Jańa kólikterge bastapqy tirkeý sý tegin dese bolady. 2-3 jyldyqtarǵa da asa joǵary emes. Al endi 3 jyldan joǵary kólikterge — óte qymbat. Eldiń bári jańa kólikke minip jatqan kezde shyqqanyna 3 jyldan asqan kóliktiń qajeti bar ma? Urylǵan, soǵylǵan, urlanǵan kólikti ákelýdiń keregi qansha? Ári minilgen kólikke paiyzy az kreditti eshkim bermeidi», — deidi rolik avtory.
Ýtilizatsiialyq alym máselelerine qatysty petitsiia qarastyratyn jumys toby jumysyn jalǵastyryp jatyr. Delegatsiia 27 maýsym kúni Qostanaidaǵy mashina qurastyratyn nysandardy aralady. Jumys tobyna osy joly buǵan deiin eki otyrysqa bara almai qalǵan «Net ýtilsborý» qozǵalysynyń ókilderi qosyldy. Taraptar taǵy da kelisimge kele almady. Jumys tobynyń otyrysy tikelei efirde kórsetildi.
