Jýrnalist Erbol Muhamedjanov oqý-aǵartý ministri Ǵani Beisembaev memleket biýdjetin tiimsiz qoldanyp jatqanyn aityp, synǵa aldy, - dep habarlaidy Dalanews.kz.
Jýrnalistiń sózinshe, ministr suhbatqa shyǵýǵa kelispei júrgen kórinedi.
"Oqý-aǵartý ministrin suhbatqa shaqyryp júrgenimizge kóp boldy. Biraq biz ministr ÝÁDE baǵdarlamasyna suhbat berip, qarapaiym suraqtarǵa jaýap berýden nege qashyp júrgenin túsinbeppiz. Prezident ministrge naqty tapsyrma bergen bolatyn, biraq ókinishke qarai, ol (ministr) jai ǵana forým ótkizýmen ainalysyp júr. Al bul durys emes, sebebi premer-ministr Bektenov qarjy boiynsha naqty tapsyrma bergen bolatyn. Al oqý-aǵartý ministrligi qyrýar biýdjetti túsiniksiz nárselerge jumsaidy.
Biz, qarapaiym azamattar, ministrden bilim sapasynyń joǵary bolýyn kútemiz. Odan bólek, ministr únemi aýyl jáne qala muǵalimderimen urysyp-kerisýdi ǵana biledi. Muǵalimderdiń ózi ol (Beisembaev) ministr bolǵan kezde oqý-aǵartý ministrliginiń apparat basshysy IIM men prokýratýraǵa aryzdanǵanyn aitady. Menińshe, el prezidenti pedagog statýsy týraly zańdy beker qabyldaǵan joq. Eger ministrliktiń ózi muǵalimderge qysym kórsetse, zań ne úshin qabyldandy? Prezident pen halyqtyń talabyn oryndamasa, mundai ministrdiń ne keregi bar?", - deidi Erbol Muhamedjan.
Jýrnalistiń sózinshe, Májilis depýtaty Juldyz Súleimenova ministr 13 ai buryn bergen ýádesin oryndamai júrgenin aitqan.
"Halyq qalaýlylaryna suraq: eger ol (ministr) sizderdi aldap ketkenin aitqan bolsańyzdar onyń qaitadan sailanýyna ne úshin daýys berdińizder? Óz sózderińizge ózderińiz qarsy kelip otyrsyzdar. Naǵyz paradoks", - deidi jýrnalist.
Erbol Muhamedjan ministr Beisembaevqa ýádesinde turyp, suhbatqa kelisýin surady.
