"ۇستازدارمەن ۇرىسىپ-كەرىسۋدى عانا بىلەدى". بەلگىلى جۋرناليست مينيستر بەيسەمبايەۆتى سىنعا الدى

كوركەم الدابەرگەنوۆا 12 اقپ. 2024 11:05 2706

جۋرناليست ەربول مۇحامەدجانوۆ وقۋ-اعارتۋ ءمينيسترى عاني بەيسەمبايەۆ مەملەكەت بيۋدجەتىن ءتيىمسىز قولدانىپ جاتقانىن ايتىپ، سىنعا الدى، - دەپ حابارلايدى Dalanews.kz.

ءجۋرناليستىڭ سوزىنشە، مينيستر سۇحباتقا شىعۋعا كەلىسپەي جۇرگەن كورىنەدى.

"وقۋ-اعارتۋ ءمينيسترىن سۇحباتقا شاقىرىپ جۇرگەنىمىزگە كوپ بولدى. ءبىراق ءبىز مينيستر ۋادە باعدارلاماسىنا سۇحبات بەرىپ، قاراپايىم سۇراقتارعا جاۋاپ بەرۋدەن نەگە قاشىپ جۇرگەنىن تۇسىنبەپپىز. پرەزيدەنت مينيسترگە ناقتى تاپسىرما بەرگەن بولاتىن، ءبىراق وكىنىشكە قاراي، ول (مينيستر) جاي عانا فورۋم وتكىزۋمەن اينالىسىپ ءجۇر. ال بۇل دۇرىس ەمەس، سەبەبى پرەمەر-مينيستر بەكتەنوۆ قارجى بويىنشا ناقتى تاپسىرما بەرگەن بولاتىن. ال وقۋ-اعارتۋ مينيسترلىگى قىرۋار بيۋدجەتتى تۇسىنىكسىز نارسەلەرگە جۇمسايدى.

ءبىز، قاراپايىم ازاماتتار، مينيستردەن ءبىلىم ساپاسىنىڭ جوعارى بولۋىن كۇتەمىز. ودان بولەك، مينيستر ۇنەمى اۋىل جانە قالا مۇعالىمدەرىمەن ۇرىسىپ-كەرىسۋدى عانا بىلەدى. مۇعالىمدەردىڭ ءوزى ول (بەيسەمبايەۆ) مينيستر بولعان كەزدە وقۋ-اعارتۋ مينيسترلىگىنىڭ اپپارات باسشىسى ءىىم مەن پروكۋراتۋراعا ارىزدانعانىن ايتادى. مەنىڭشە، ەل پرەزيدەنتى پەداگوگ ستاتۋسى تۋرالى زاڭدى بەكەر قابىلداعان جوق. ەگەر مينيسترلىكتىڭ ءوزى مۇعالىمدەرگە قىسىم كورسەتسە، زاڭ نە ءۇشىن قابىلداندى؟ پرەزيدەنت پەن حالىقتىڭ تالابىن ورىنداماسا، مۇنداي ءمينيستردىڭ نە كەرەگى بار؟"، - دەيدى ەربول مۇحامەدجان. 

ءجۋرناليستىڭ سوزىنشە، ءماجىلىس دەپۋتاتى جۇلدىز سۇلەيمەنوۆا مينيستر 13 اي بۇرىن بەرگەن ۋادەسىن ورىنداماي جۇرگەنىن ايتقان. 

"حالىق قالاۋلىلارىنا سۇراق: ەگەر ول (مينيستر) سىزدەردى الداپ كەتكەنىن ايتقان بولساڭىزدار ونىڭ قايتادان سايلانۋىنا نە ءۇشىن داۋىس بەردىڭىزدەر؟ ءوز سوزدەرىڭىزگە وزدەرىڭىز قارسى كەلىپ وتىرسىزدار. ناعىز پارادوكس"، - دەيدى جۋرناليست. 

ەربول مۇحامەدجان مينيستر بەيسەمبايەۆقا ۋادەسىندە تۇرىپ، سۇحباتقا كەلىسۋىن سۇرادى.  


ۇسىنىلعان
سوڭعى جاڭالىقتار