Astana soty ushaqta adamdardy uryp, jalǵan aqparat taratqan qazaqstandyqqa úkim shyǵardy, – dep habarlaidy Dalanews.kz.
Sot úkimimen T. esimdi azamat terrorizm aktisi týraly jalǵan habarlaǵany jáne ushaq bortynda buzaqylyq jasaǵany úshin kináli dep tanylyp, qylmystyq quqyqbuzýshylyqtar jiyntyǵy boiynsha 3 jylǵa bas bostandyǵynan aiyrylǵan. Ol sot úkimine shaǵym túsirgen.
Birinshi satydaǵy sot T. alkogolge masań kúiinde «FlyArystan» AQ-nyń Astana–Óskemen baǵytyndaǵy ushaq bortynda buzaqylyq jasap, ushaq bortserigine kúsh kórsetip, ony uryp-soǵyp jáne jolaýshynyń eskertýin elemesten, ony da uryp-soǵyp, eki jábirlenýshige de dene jaraqatyn keltirgenin anyqtaǵan. Ony reisten túsirý kezinde buzaqylyq nietpen terrorizm aktisi týraly jalǵan habarlaǵan.
Apelliatsiialyq shaǵymda sottalǵan adamnyń advokaty bas bostandyǵynan aiyrýǵa bailanysty emes jaza taǵaiyndaýdy surady.
Alaida qylmystyq ister jónindegi apelliatsiialyq alqa úkimdi ózgerissiz qaldyrdy. Sot aktisi zańdy kúshine endi.
