Sáken Mamash tarapynan kórgen azaptaý men qysym týraly alǵash bolyp jariia etken Karina Gosman sottyń úkiminen keiin pikir bildirdi, dep habarlaidy Dalanews.kz Informbiýro arnasyna silteme jasap.
Onyń aitýynsha, Mamash sońyna deiin kinásin moiyndamaǵan.
“Jyldar boiy da, sot protsesi barysynda da meni únemi manipýliatsiialap, qysym kórsetip keldi. Bul – kek emes, bul – ádilet. Ol endi túsinedi dep úmittenemin. Al men buǵan deiin eskertkende, ol tek kúletin”, – dedi Gosman úkim shyqqannan keiin.
Karina ózine qoldaý bildirgen qorǵaýshylaryna, daǵdarys ortalyǵyna, jýrnalisterge jáne barsha qazaqstandyqtarǵa alǵysyn jetkizdi.
“Zorlyq-zombylyqqa tózýge bolmaidy. Eger sizdi súise – urmaidy. Ondai mahabbattan qashý kerek. Aityńyz, jylańyz, alystańyz. Shyǵatyn jol árqashan bar. Bizde tek óz janashyrlyǵymen jumys isteitin daǵdarys ortalyqtary bar, olar tek kómekteskisi keledi. Ádilet túbi saltanat qurady. Ol meniń únsizdigimdi satyp almaq boldy. Úsh páter usyndy. Biraq men oǵan qandai da bir sharshy metr úshin úndemei qalmaitynymdy aittym”, – dedi ol.
Gosmannyń aitýynsha, Mamash aliment tólemei otyr, ári balalar tura alatyndai baspana da qaldyrmaǵan. Ol bul jaǵdaidy sotqa jetkizbei, balalar úshin kelisimmen aiaqtaýǵa tyrysqanyn atap ótti.
“Balalar úshin ákesiniń abyroiyn saqtap qalǵym kelgen. Biraq ol tek ózin oilady. 47 jastaǵy adamnyń sanasy bolmasa, men oǵan jaýapty emespin”, – dep túiindedi Karina.
Eske salaiyq, Sáken Mamash burynǵy jubaiyn júieli túrde azaptaǵany úshin 6 jylǵa bas bostandyǵynan aiyryldy. Sonymen qatar ol “keńesshi” diplomat dárejesinen aiyryldy.
