3 óńirde kásipkerlerdi bopsalaýmen ainalysqan qylmystyq toptyń músheleri ustaldy, dep habarlaidy Dalanews.kz.
IIM Ulttyq qaýipsizdik komitetimen birlesip, Bas prokýratýranyń úilestirýimen qylmystyq toptardy joiý úshin arnaiy operatsiia uiymdastyryldy.
Biyl 17 maýsymda Almaty, Shymkent qalalarynda jáne Túrkistan oblysynda aýyr qylmystar jasaǵan, onyń ishinde kásipkerlerdi bopsalady degen kúdikke ilingen qylmystyq toptyń múshelerin ustaý úshin jedel-izdestirý is-sharalary júrgizildi.
“Top músheleriniń Qańtar oqiǵasynyń belsendi qatysýshylarymen bailanysy bary anyqtaldy. Politsiiaǵa 20 kúdikti jetkizildi. 40-tan asa izdestirý sharalary ótkizildi. Atys jáne travmatikalyq qarý, esirtki men oq-dári tárkilendi. Tergeý Qylmystyq kodekstiń birneshe baby boiynsha júrgizilip jatyr”, - dep jazylǵan habarlamada.
Tergeý múddesine sáikes, ózge aqparat jariialanbaidy.
