3 وڭىردە كاسىپكەرلەردى بوپسالاۋمەن اينالىسقان قىلمىستىق توپتىڭ مۇشەلەرى ۇستالدى، دەپ حابارلايدى Dalanews.kz.
ءىىم ۇلتتىق قاۋىپسىزدىك كوميتەتىمەن بىرلەسىپ، باس پروكۋراتۋرانىڭ ۇيلەستىرۋىمەن قىلمىستىق توپتاردى جويۋ ءۇشىن ارنايى وپەراسيا ۇيىمداستىرىلدى.
بيىل 17 ماۋسىمدا الماتى، شىمكەنت قالالارىندا جانە تۇركىستان وبلىسىندا اۋىر قىلمىستار جاساعان، ونىڭ ىشىندە كاسىپكەرلەردى بوپسالادى دەگەن كۇدىككە ىلىنگەن قىلمىستىق توپتىڭ مۇشەلەرىن ۇستاۋ ءۇشىن جەدەل-ىزدەستىرۋ ءىس-شارالارى جۇرگىزىلدى.
“توپ مۇشەلەرىنىڭ قاڭتار وقيعاسىنىڭ بەلسەندى قاتىسۋشىلارىمەن بايلانىسى بارى انىقتالدى. پوليسياعا 20 كۇدىكتى جەتكىزىلدى. 40-تان اسا ىزدەستىرۋ شارالارى وتكىزىلدى. اتىس جانە تراۆماتيكالىق قارۋ، ەسىرتكى مەن ءوق-دارى تاركىلەندى. تەرگەۋ قىلمىستىق كودەكستىڭ بىرنەشە بابى بويىنشا جۇرگىزىلىپ جاتىر”، - دەپ جازىلعان حابارلامادا.
تەرگەۋ مۇددەسىنە سايكەس، وزگە اقپارات جاريالانبايدى.
