Almaty qalasynyń politsiia departamenti qaiǵyly jaǵdaidyń aldyn ala sebebin habarlady.
«Bul áreketke otbasylyq-turmystyq qarym-qatynas kezinde kúieýi ekeýi arasyndaǵy janjal sebep bolǵan» delingen politsiia habarlamasynda.
Jedel-tergeý toby quryldy. Oqiǵa boiynsha Qylmystyq kodekstiń («Óz-ózine qol jumsaýǵa jetkizý») baby boiynsha tergeý júrgizilip jatyr.
Quqyq qorǵaý organdaryndaǵy derekkózi hat ishinde áieldiń mundai sheshimdi qabyldaýyna naqty kim kináli ekeni jazylmaǵanyn aitty.
«Hatta synaqqa tótep bere almai, ómirden sharshaǵanyn jazǵan. Ol eshkimdi kinálamaitynyn, biraq bul jaǵdaiǵa kináli adamdar ózderi habardar ekenin aityp, keshirim suraǵan» dedi ol.
Derekkózdiń habarlaýynsha, ol ul-qyzyn kúieýimen birge ósirgen. Qaiǵyly jaǵdai bolǵan kezde 30 jastaǵy kúieýi úiinde bolmaǵan. Al úidiń esigi ishinen qulyptalyp turypty. Politsiia ishine kirer kezde esikti buzǵan.
Kórshilerdiń sózinshe, otbasy jurtpen birdei ómir súrgen. Erli-zaiypty kópshilik aldynda ursyspaǵan.
Aita keteri, qaiǵyly oqiǵa 22 qarashada Jetisý-1 shaǵyn aýdanyndaǵy kópqabatty úilerdiń birinde shamamen 12:30-da boldy. 28 jastaǵy áiel óziniń úsh balasy – bes jáne alty jasar qyzdary men úsh jasar ulyn toǵyzynshy qabattyń terezesinen laqtyryp jibergen, sodan keiin ózi de sekirip ketti. Oqiǵa ornynda áiel men eki bala qaitys boldy. Úshinshi bala jedel járdem kóliginde jan tapsyrdy.
