Mamyr men shilde ailary aralyǵynda QR Ulttyq banki 21,6 tonna altyn satqan. Osylaisha Qazaqstannyń altyn-valiýta rezervterindegi atalǵan baǵaly metaldyń úlesi 3 paiyzdyq tarmaqqa tómendedi. Al basqa elder, geosaiasi turaqsyzdyq kezeńderinde, kerisinshe, bul aktivti jappai satyp alyp jatyr, dep jazady Dalanews.kz.
Qazaqstannyń jalpy halyqaralyq rezervteriniń kólemi 2024 jylǵy tamyzda 42,7 mlrd AQSh dollarǵa jetti, bul bir jyl burynǵydan 27,2%-ǵa artyq. Aqshamen eseptegende rezervterdiń jartysynan astamy altynda boldy: 23,5 mlrd AQSh dollar — ótken jyldyń tamyz aiymen salystyrǵanda 20,9%-ǵa kóp. Al erkin aiyrbastalatyn valiýtalyq aktivter bir jylda 35,8%-ǵa ósip, 19,3 mlrd AQSh dollarǵa jetti. Bul rette jalpy halyqaralyq rezervtegi altynnyń úlesi bir jylda 57,7%-dan 54,9%-ǵa deiin tómendedi.
Bul málimetterdi ranking.kz óz zertteýinde alǵa tartady.
"Máselen, 2024 jyldyń jeti aiynyń qorytyndysy boiynsha Qazaqstan Respýblikasynyń altyn-valiýta qory bar bolǵany 692,3 kelige ósti. Onyń ústine alǵashqy tórt aida 22,3 tonna altyn satyp alynsa, mamyrdan shildege deiingi aralyqta Ulttyq bank, kerisinshe 21,6 tonna bul asyl metaldy satqan".
Buǵan deiin, 2011–2021 jyldar aralyǵynda Qazaqstan belsendi túrde altyndy satyp alyp otyrǵan, iaǵni jylyna 2,4-ten 50,6 tonnaǵa deiin (!). Jalpy, osy ýaqyt kezeńinde álem boiynsha barlyǵy 335,1 tonna altyn satyp alynǵan eken. Tek Qytai, Resei jáne Túrkiia ǵana Qazaqstanǵa qaraǵanda altyndy belsendirek satyp alǵan. Alaida olardan aiyrmashylyǵy, Qazaqstan 2022 jáne 2023 jyldary 108,1 tonna altyn satqan: 2022 jyly - 50,7 tonna, 2023 jyly - 57,4 tonna.
"Altynnyń belsendi satylýy joǵary baǵa kezeńine sáikes keldi. Retteýshi sońǵy eki turaqsyz jyl ishinde mundai aktivti satqany jón be ózi, bul - úlken suraq. Ózińiz baǵalap kórińizshi. Máselen, 2022 jyly ortasha eseppen altynnyń bir troi ýntsiiasy 1,8 myń AQSh dollardy qurady. Kelesi jyl baǵa boiynsha rekord boldy — 2023 jyldyń sáýirinde altynnyń bir troi ýntsiiasynyń baǵasy 2 myń AQSh dollaryna jetti, al jeltoqsanda rekord jańartyldy: 2 myńnan sál astam AQSh dollary. Biyl altynnyń baǵasy ai saiyn derlik rekordtardy jańartyp, qyrkúiekte 2,6 myń AQSh dollardy qurady. Qazan aiynyń basynda altyn baǵasynyń kóterilýin jalǵastyrdy jáne bir troia ýntsiiasy úshin 2,7 myń AQSh dollarǵa jetti, bul tańqalarlyq emes, óitkeni geosaiasi turaqsyzdyq jaǵdaiynda altyn jalǵyz qorǵanysh aktivi bolyp tabylady. Dál osyndai sátte Qazaqstan, kerisinshe qazir ony satyp jatyr. Sebebin, resmi bilik ashyp aitpaidy", delingen zertteýde.
Halyqaralyq valiýta qorynyń qarjylyq statistikasyna súiensek, Qazaqstan altyn qory boiynsha álemde 18-orynda tur: 294,9 tonna.
Dúnie júzindegi altynnyń kóp bóligi ortalyq bankterdiń qolynda, olar bul rezervterdi olardyń qaýipsizdigi, ótimdiligi jáne tabystylyǵy úshin saqtaidy. Bul mekemeler tarih boiy óndirilgen altynnyń shamamen besten birine ie. Jalpy, resmi álemdik altyn qory 30,1 myń tonnaǵa jetedi. Eń úlken kólemi AQSh-qa tiesili: 8,1 myń tonna, onyń jartysy AQSh-tyń áigili Fort Noks depozitariiinde saqtalǵan. Ekinshi jáne úshinshi oryndarda tiisinshe 3,4 myń jáne 2,5 myń tonna altyn kólemimen Germaniia men Italiia tur. Frantsiiada (2,4 myń tonna), Reseide (2,3 myń tonna), Qytaida (2,3 myń tonna) jáne Shveitsariiada (1 myń tonna) da aitarlyqtai qor bar.
