Úrjardan sanavıasıa arqyly Astanaǵa jetkizilgen balalardyń jaǵdaıy turaqty, dep habarlaıdy Dalanews.kz.

№2 kópsalaly qalalyq balalar aýrýhanasynyń dereginshe, 6 jastaǵy ul bala travmatologıa bóliminde em qabyldap jatyr. 9 jastaǵy qyz bala jansaqtaý bóliminde. Al úshinshi bala avıasıamen Semeı medısına ýnıversıtetiniń klınıkasyna jetkizilgen. Onda zamanaýı medısınalyq qurylǵylardyń kómegimen jaǵdaıy jan-jaqty tekserilip, qajetti em júrgizilýde.

Besterek aýylynda 6 balany qaǵyp ketken júrgizýshiniń «epılepsıa» dıagnozy bar ekeni resmı túrde rastaldy. Osyǵan baılanysty ol kólik júrgizý quqyǵynan aıyryldy. Bul týraly Úrjar aýdandyq sotynyń tóraǵasy Shynar Ospanova málimdedi.

«Úrjar aýdandyq soty Ańsabaevqa qatysty zań aıasynda qaraý júrgizip, kólik quralyn basqarý quqyǵyn toqtatty. Onyń dıagnozy bar. G 40.3 – “epılepsıa” sındromy anyqtalǵan. Qazir ol dıspanserlik esepte tur», – dedi sot tóraǵasy.