Abai oblysynyń Úrjar aýdanyndaǵy Besterek aýylynda jantúrshigerlik jaǵdai boldy. Júrgizýshi kólikti basqara almai, aýlada oinap otyrǵan alty balany qaǵyp ketken. Saldarynan eki bala oqiǵa ornynda, bireýi aýrýhanaǵa barar jolda qaitys bolǵan, dep habarlaidy Dalanews.kz.
Syrmedia málimetinshe,Besterekte balalardy qaǵyp ketken júrgizýshiniń uly habarlasyp, ákesi týraly aityp bergen.
Onyń aitýynsha, ákesine rólde otyrǵan sátte ustamasy ustap qalǵan. Ákesi jumyssyz bolǵan, densaýlyǵy da nashar bolǵan. Ulynyń aitýynsha, ol qazir oqiǵa ornyna Astanadan jolǵa shyǵyp bara jatyr.
19 tamyzda túnde Memleket basshysynyń tapsyrmasy boiynsha Abai oblysy Úrjar aýdanynda jol-kólik oqiǵasynyń saldarynan zardap shekken balalarǵa meditsinalyq kómek kórsetý úshin Qorǵanys ministrliginiń S-295 áskeri-kólik aviatsiiasynyń ushaǵymen quramynda reanimatolog, neirohirýrg jáne travmatolog bar meditsinalyq brigada ushty.
Densaýlyq saqtaý ministrligi saǵat 23.43-te Abai oblysynyń Úrjar aýdanyna jol-kólik oqiǵasynyń saldarynan zardap shekken balalarǵa meditsinalyq kómek kórsetý úshin Qorǵanys ministrliginiń áskeri-kóliktik aviatsiiasyna tiesili S-295 ushaǵy dárigerlermen kelgenin habarlady.
