Úrjarda iri aýyl sharýashylyǵy kooperativteri qurylyp jatyr
Qurylǵan kooperativterdiń bireýi ósimdik sharýashylyǵyn damytsa, taǵy biri kooperativ sút baǵytyndaǵy mal sharýashylyǵyn damytýdy kózdep otyr. Sondai-aq, bir kooperativ jeke qosalqy sharýashylyqtardyń qoǵamdyq tobynyń uiymdastyrý jumystaryn qamtamasyz etedi. Al úsh kooperativ aralas qyzmetpen ainalyssaq qalǵan 17 kooperativ et baǵytyndaǵy mal sharýashylyǵyn damytý boiynsha qurylǵan. Kooperativter quramynda 1952 bas iri qara, 124 bas jylqy, 2056 bas usaq mal jáne 2310,3 ga aýyl sharýashylyq jerleri bar. Olarda barlyǵy 270 adam jumyspen qamtylǵan.
– Kooperativ quramynda músheleriniń sany 20 jáne odan joǵary adamdary bar barlyǵy 5 kooperativ ashylǵan. Sonymen qatar, quramynda 20 adamy bar 2 kooperativtiń qujattary ádilet basqarmasynda tirkelý ústinde. Tiisti jumystar jalǵastyrylýda, – dedi S.Zainýldin.
Byltyr aýdan kóleminde óndirilgen et kólemi – 17 816,5 tonna (106,7 %), sút – 73 520 tonna (104,6%), jumyrtqa – 16 846 myń dana (101,3 %), qyrqylǵan qoi júni – 626 tonnany (100,9%) quraǵan. Bul oraida, agroónerkásip keshenin jáne aýyldyq aýmaqtardy damytýdyń memlekettik saiasatyn iske asyrý sheńberinde aýyl sharýashylyǵy kooperativterin qurýǵa jasalǵan kómektiń úlesi qomaqty ekenin eskergen jón.
