Energetika jáne turǵyn úi-kommýnaldyq sharýashylyq basqarmasy mamandarynyń aitýynsha, Úrjar, Kúrshim jáne Tarbaǵatai aýdanyn gazben qamtý úshin avtomottandyrylǵan gaztaratýshy beketter men magistral toraptardyń qurylysy bastalady.
Barlyǵy 20 myńdai úi qamtylady.
Atalǵan aýdandardyń ishinde Tarbaǵataidyń úlesi kóp. Onda 24 aýyl (35 myń adam) gazben qamtylady. Sonyń ishinde Tuǵyl, Qabanbai, Aqjar, Jańatileý, Aqsýat, Qarasý, Aqmektep, Sholaqorda syndy segiz eldi meken boiynsha jobalyq-smetalyq qujattamany ázirleýge qajet biýdjettik ótinim oblystyq komissiianyń qaraýynda jatyr.
Al Kúrshim men Úrjar aýdandarynyń 14-14-ten – barlyǵy 28 aýylyna kógildir otyn barady.
– Sarybulaqtaǵy (Zaisan aýdany) gaz qory qansha ekenin naqty aita almaimyz, shamamen, 5,5 milliard tekshemetr, – deidi basqarma basshysynyń mindetin atqarýshy Alma Qairaqanova. – Qazaqstan men Qytai arasynda osy jerde óndirilgen gazdyń jartysy el naryǵynda paidalanylatyny týraly kelisim shart jasalǵan bolatyn talai jyl buryn. Al onyń ekinshi jartysy Qytaiǵa ótedi.
Derekkóz: altaynews.kz
