Aýrýhananyń qabyldaý jáne bosandyrý bólimderiniń jumysymen tanysyp shyqqan aimaq basshysy meditsinalyq ortalyqqa qajetti jańa dárigerlik ambýlatoriia qurylysyna jer telimin bólýdi tapsyrdy.
Danial Ahmetov Úrjar aýdandyq aýrýhanasynyń jumysy, onyń bas dárigeriniń myqty úilestirýshi ári basqarýshy ekendigin tilge tiek etti.
Aita ketelik, qyrkúiek aiynda aýdannan «ginekologiia jáne akýsherlik» baǵyty boiynsha bir top mamandar Eýropanyń úzdik klinikalaryna oqýǵa jol tartady.
⠀
Budan bólek, aimaq basshysy Maqanshy aýylyndaǵy orta mektepti aralap, boi kóterip jatqan 30 páterli turǵyn úi qurylysynyń barysyn baqylap qaitty.
⠀
Sapar aiasynda ákim «ÚrjarAgro» kompaniiasynyń egistik alqaptaryna baryp, júgeri men kúnbaǵystan mol ónim alý úshin olar qoldanyp júrgen tehnologiialarmen tanysty.
