Ulttyq qaýipsizdik komitetiniń (UQK) tóraǵasy Ermek Saǵymbaev Qazaqstanda jáne álemde údep bara jatqan qaýipter týraly málimdedi, - dep habarlaidy Dalanews.kz Tengrinews.kz-ke siltep.
Búgin Ermek Saǵymbaev Astanada ótken TMD qaýipsizdik organdary men arnaýly qyzmetter basshylary keńesiniń 55-otyrysynda sóz sóilep, álemdegi sońǵy oqiǵalardyń eldegi jedel jaǵdaiǵa áseri týraly málimdedi.
"Biylǵy mamyrda Bishkekte ótken sońǵy kezdesýimizden beri salystyrmaly túrde talai ýaqyt ótti. Alaida, osy kezeńde TMD-da jáne jalpy álemde elimizdegi jedel jaǵdaiǵa aitarlyqtai áser etetin oqiǵalar boldy. Aldyńǵy qatarda halyqaralyq terrorizmge qarsy belsendi is-qimylmen bailanysty mindetter kesheni tur", - dedi Ermek Saǵymbaev.
Sondai-aq, ol DAISh "Vilaiat Horasan" (Qazaqstanda tyiym salynǵan uiym - esk.) týraly aita ótti, ol TMD memleketterine áli de joǵary qaýip tóndiredi.
"Sońǵy kezdegi lańkestik áreketter bul toptyń óz áleýetin arttyryp, halyqaralyq nazaryn saqtap qalmaq ekenin kórsetedi. Sonymen qatar, transshekaralyq qylmys, zańsyz kóshi-qon jáne qarý-jaraq kontrabandasynyń qaýip-qateri, ásirese esirtkiniń taralýy - "sintetika" dep atalatyn nárse muqiiat nazarymyzdy talap etedi", - dep qosty Ulttyq qaýipsizdik komitetiniń basshysy.
Onyń aitýynsha, san alýan syn-qaterlerdiń artýy Qaýipsizdik organdary basshylary keńesinen yntymaqtastyqty nyǵaitýdy talap etedi.
"Dostastyq elderiniń barlaý qyzmetteriniń qaýipsizdikti qamtamasyz etý jáne túrli syn-qaterlerge qarsy turý salasynda úlken tájiribesi bar", - dedi Saǵymbaev.
