Bul týraly Azattyq habarlaıdy.
UQK málimdeýinshe, Tóleshov isi boıynsha 25 adam jaýapqa tartylǵan jáne 300 jýyq adam kýáger retinde jaýap berip jatyr.
Komıtet ózi taratqan málimdemede "Tóleshov transulttyq qylmystyq qoǵamdy qarjylandyrǵan jáne qarýlanǵan topty quryp, basqarǵan. Ol basqarǵan qylmystyq top adam óltirý, qastandyq jasaý, adam urlaý, zańsyz bostandyqtan aıyrý, qaraqshylyq qylmystaryn jasaǵan" dep jazǵan.
UQK Tóleshov pen onyń syıbaılastary Qazaqstan aýmaǵynda jappaı tártipsizdik pen narazylyq aksıalaryn uıymdastyrý arqyly bılikti kúshpen tartyp almaq bolǵanyn da málimdedi.
Qańtarda ustalǵan kásipker Toqtar Tóleshovti qamaýǵa alý týraly sanksıany Astananyń Almaty aýdandyq 2-soty aqpannyń 1-i kúni shyǵarǵan edi. Tóleshov qylmystyq kodekstiń 266-baby ("qylmystyq toptyń áreketin qarjylandyrý, sol sıaqty múlikti saqtaý, bólý, qarjylandyrý arnalaryn ázirleý") jáne 297-baby ("Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý") boıynsha kúdikti dep tanylǵan.
