ۇلتتىق قاۋىپسىزدىك كوميتەتى استانادا وتكەن باسپا ءسوز ءماسليحاتىندا توقتار تولەشوۆكە قاتىستى قىلمىستىق ءىستىڭ نەگىزگى ەپيزودتارى بويىنشا تەرگەۋ اياقتالعانىن حابارلادى.

بۇل تۋرالى ازاتتىق حابارلايدى.

ۇقك مالىمدەۋىنشە، تولەشوۆ ءىسى بويىنشا 25 ادام جاۋاپقا تارتىلعان جانە 300 جۋىق ادام كۋاگەر رەتىندە جاۋاپ بەرىپ جاتىر.

كوميتەت ءوزى تاراتقان مالىمدەمەدە "تولەشوۆ ترانسۇلتتىق قىلمىستىق قوعامدى قارجىلاندىرعان جانە قارۋلانعان توپتى قۇرىپ، باسقارعان. ول باسقارعان قىلمىستىق توپ ادام ءولتىرۋ، قاستاندىق جاساۋ، ادام ۇرلاۋ، زاڭسىز بوستاندىقتان ايىرۋ، قاراقشىلىق قىلمىستارىن جاساعان" دەپ جازعان.

ۇقك تولەشوۆ پەن ونىڭ سىيبايلاستارى قازاقستان اۋماعىندا جاپپاي تارتىپسىزدىك پەن نارازىلىق اكسيالارىن ۇيىمداستىرۋ ارقىلى بيلىكتى كۇشپەن تارتىپ الماق بولعانىن دا مالىمدەدى.

قاڭتاردا ۇستالعان كاسىپكەر توقتار تولەشوۆتى قاماۋعا الۋ تۋرالى سانكسيانى استانانىڭ الماتى اۋداندىق 2-سوتى اقپاننىڭ 1ء-ى كۇنى شىعارعان ەدى. تولەشوۆ قىلمىستىق كودەكستىڭ 266-بابى ("قىلمىستىق توپتىڭ ارەكەتىن قارجىلاندىرۋ، سول سياقتى مۇلىكتى ساقتاۋ، ءبولۋ، قارجىلاندىرۋ ارنالارىن ازىرلەۋ") جانە 297-بابى ("ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ") بويىنشا كۇدىكتى دەپ تانىلعان.