Memleket basshysy Qasym-Jomart Toqaev Ulttyq qaýipsizdik komiteti janynan Sybailas jemqorlyqqa qarsy is-qimyl jónindegi jańa qyzmetti qurdy. Atalǵan bólim paraqorlyqty tergeýmen, qashqyndardy izdeýmen jáne sheteldik arnaiy qyzmettermen yntymaqtastyqty túzýmen ainalysady, dep habarlaidy Dalanews.kz.
Qazaqstanda sybailas jemqorlyqpen kúresetin taǵy bir qurylym paida boldy. Prezident Qasym-Jomart Toqaev QR Ulttyq qaýipsizdik komitetiniń janynan sybailas jemqorlyqqa qarsy arnaiy qyzmettti qurý týraly Jarlyqqa qol qoidy. Jańa qyzmet tek ókilettikterdi ǵana emes, sonymen qatar jeke zańdy mártebeni, qyzmetkerler quramyn jáne qarjylandyrýdy tikelei respýblikalyq biýdjetten alady.
Onyń basty maqsaty - barlyq deńgeidegi sybailas jemqorlardy, sonyń ishinde laýazymyn, bailanystaryn paidalana búrkemelenetinderdi jáne sheteldik shottarda jasyrýly zańsyz aqshalardy aýlaý.
UQK jańa bólimshesiniń arsenalynda mynandai mańyzdy quraldar bar:
- sotqa deiingi tergeýler,
- jedel tyńshylyq,
- dáleldemelerdi tárkileý,
- qarjylyq qujattarmen jumys isteý,
- bankterge suraý salý,
- qajet bolǵan jaǵdaida halyqaralyq yntymaqtastyqty paidalaný.
Eger kúdiktilerdiń biri shetelge qashyp ketse, olardy izdep, ekstraditsiialaýǵa tyrysyp,keri qaitarýmen de ainalysady.
Qyzmet jospardan tys tekserýler júrgize alady, aýditorlardy tarta alady, tenderlerdi, memlekettik satyp alýlardy jáne memlekettik organdar men kvazimemlekettik sektordaǵy kez kelgen kúdikti belsendilikti taldai alady.
Jarlyqqa qol qoiylǵan. Qyzmet jańadan quryla bastady. Bul elimizdiń sybailas jemqorlyqqa qarsy jańa saiasatynyń bir bóligi, Toqaev aitqandai, ol "qatań, biraq ádil" degen pozitsiiany ustanatyn bolady.
