مەملەكەت باسشىسى قاسىم-جومارت توقايەۆ ۇلتتىق قاۋىپسىزدىك كوميتەتى جانىنان سىبايلاس جەمقورلىققا قارسى ءىس-قيمىل جونىندەگى جاڭا قىزمەتتى قۇردى. اتالعان بءولىم پاراقورلىقتى تەرگەۋمەن، قاشقىنداردى ىزدەۋمەن جانە شەتەلدىك ارنايى قىزمەتتەرمەن ىنتىماقتاستىقتى تۇزۋمەن اينالىسادى، دەپ حابارلايدى Dalanews.kz.
قازاقستاندا سىبايلاس جەمقورلىقپەن كۇرەسەتىن تاعى ءبىر قۇرىلىم پايدا بولدى. پرەزيدەنت قاسىم-جومارت توقايەۆ ق ر ۇلتتىق قاۋىپسىزدىك كوميتەتىنىڭ جانىنان سىبايلاس جەمقورلىققا قارسى ارنايى قىزمەتتتى قۇرۋ تۋرالى جارلىققا قول قويدى. جاڭا قىزمەت تەك وكىلەتتىكتەردى عانا ەمەس، سونىمەن قاتار جەكە زاڭدى مارتەبەنى، قىزمەتكەرلەر قۇرامىن جانە قارجىلاندىرۋدى تىكەلەي رەسپۋبليكالىق بيۋدجەتتەن الادى.
ونىڭ باستى ماقساتى - بارلىق دەڭگەيدەگى سىبايلاس جەمقورلاردى، سونىڭ ىشىندە لاۋازىمىن، بايلانىستارىن پايدالانا بۇركەمەلەنەتىندەردى جانە شەتەلدىك شوتتاردا جاسىرۋلى زاڭسىز اقشالاردى اۋلاۋ.
ۇقك جاڭا بولىمشەسىنىڭ ارسەنالىندا مىنانداي ماڭىزدى قۇرالدار بار:
- سوتقا دەيىنگى تەرگەۋلەر،
- جەدەل تىڭشىلىق،
- دالەلدەمەلەردى تاركىلەۋ،
- قارجىلىق قۇجاتتارمەن جۇمىس ىستەۋ،
- بانكتەرگە سۇراۋ سالۋ،
- قاجەت بولعان جاعدايدا حالىقارالىق ىنتىماقتاستىقتى پايدالانۋ.
ەگەر كۇدىكتىلەردىڭ ءبىرى شەتەلگە قاشىپ كەتسە، ولاردى ىزدەپ، ەكستراديسيالاۋعا تىرىسىپ،كەرى قايتارۋمەن دە اينالىسادى.
قىزمەت جوسپاردان تىس تەكسەرۋلەر جۇرگىزە الادى، اۋديتورلاردى تارتا الادى، تەندەرلەردى، مەملەكەتتىك ساتىپ الۋلاردى جانە مەملەكەتتىك ورگاندار مەن كۆازيمەملەكەتتىك سەكتورداعى كەز كەلگەن كۇدىكتى بەلسەندىلىكتى تالداي الادى.
جارلىققا قول قويىلعان. قىزمەت جاڭادان قۇرىلا باستادى. بۇل ەلىمىزدىڭ سىبايلاس جەمقورلىققا قارسى جاڭا ساياساتىنىڭ ءبىر بولىگى، توقايەۆ ايتقانداي، ول "قاتاڭ، بءىراق ءادىل" دەگەن پوزيسيانى ۇستاناتىن بولادى.
