Qazaqstanda alaiaqtyq koll-ortalyqtardyń qyzmetin toqtatý barysynda Ońtústik Koreianyń 14 azamaty ustaldy, dep habarlaidy dalanews.kz.
UQK málimetinshe, kúdiktiler 2026 jylǵy 23 shildede ustalǵan. Qazirgi ýaqytta Koreia Respýblikasynyń quqyq qorǵaý organdary olardy uiymdasqan qylmystyq top quramynda telekommýnikatsiialyq júielerdi paidalaný arqyly alaiaqtyq jasaǵan degen kúdikpen tergep jatyr.
Tintý barysynda kúdiktilerdiń turǵylyqty jerlerinen zańsyz áreketterde paidalanylǵan kompiýterlik tehnika, uialy telefondar men noýtbýkter tárkilengen.
Ustalǵandar protsestik is-sharalardy júrgizý jáne keiin Qazaqstan aýmaǵynan deportatsiialaý úshin ýaqytsha ustaý izoliatoryna qamalǵan.
Ulttyq qaýipsizdik komiteti alaiaqtyq koll-ortalyqtardyń zańsyz qyzmetin anyqtaý jáne jolyn kesý baǵytyndaǵy jumystar jalǵasyp jatqanyn málimdedi.
