Úndister Buqtyrma sý qoimasy ústinen kópir salady
Ekeýara yntymaqtastyq máselesin ShQO ákimi Danial Ahmetov pen kompaniia direktory Goýdhama Býdhar Ramamýrti talqylady. «Shapoorji Pallonji Kazakhstan» álemdik naryqtaǵy tájiribesi mol kásiporyn, búginde alpysqa jýyq elmen seriktestik ornatqan. Aita ketý kerek, óńir úshin mańyzdy kópirdiń jobalyq-smetalyq qujaty daiyn. Jalpy quny 37,4 mlrd.teńgeni quraidy. Investorlardan bólek memleket te atalǵan jobaǵa qarjy quiýǵa daiyn.
– Ásirese, densaýlyq saqtaý salasynda úlken tájiribelerińizdiń bary qýantady. Qoldaǵy keibir jobalar boiynsha qajetti qujattar daiyn, tanysýlaryńyzǵa bolady. Sharttary qanaǵattandyrsa, elimizdiń zańyna sáikes jumys istep, jobany júzege asyrýǵa kiriseiik, - dedi oblys ákimi Danial Ahmetov.
Kezdesý sońynda ShQO ákimdigi men «Shapoorji Pallonji Kazakhstan» kompaniiasy arasynda ózara yntymaqtastyq týraly memorandýmǵa qol qoiyldy. Onyń negizinde Óskemende Vinogradov kóshesi men Semei tas joly aralyǵyn Ertis arqyly jalǵaityn taǵy bir kópir men óńirdiń iri eki qalasynda aýrýhana salý kózdelip otyr.
