Úndistanda jaýyn-shashyn maýsymy bastalyp, jaǵdaıdy odan saıyn qıyndatyp jiberdi. Koronavırýstan qaıtys bolǵan adamdardyń múrdelerin sý shaıyp, olar Gang ózeninde aǵyp júr. Habarlarǵa qaraǵanda, bul adamdar bıyl kóktemde koronavırýstan qaıtqan. Sol kezde úndisterdiń kóbi aýrýdan qaıtys bolǵan týystarynyń denesin órteı almaı, kedeıler múrdelerdi sýǵa aǵyzǵan, nemese qumdy jerge kómgen.

Jergilikti turǵyn Radjý Chandaldyń aıtýynsha, "Gang ózeniniń deńgeıi kóterilgen ýaqytta, onyń jaǵalaýynda tereń emes kórge jerlengenderdiń múrdeleri sý betine qalqyp shyǵyp jatyr. Múrde qaldyqtaryn qarǵalar men qańǵybas ıtter jeıdi".

Úndistandaǵy Allahabad qalasy bıliginiń málimdeýinshe, maýsym aıynda Gang ózenine qalqyp shyqqan 150 múrde órtelgen.

Úndister dástúr boıynsha múrdeni órtep, onyń kúlin sýǵa tastaıdy. Mundaı ǵuryp 100 dollar turady. Úndistandaǵy kedeılerde mundaı aqsha joq. Sol sebepti olar qaıtys bolǵan týystaryn qasıetti sanalatyn Gang ózeniniń jaǵalaýyna jerleıdi.

Úndistanda 1,3 mıllıard adam turady. Ol koronavırýstan eń qatty zardap shekken memleket.