Ulttyq rýhty oiatý. Pavlodardy "rýhani jańǵyrtýdyń" jospary jasaldy
Baǵdarlama aiasynda Pavlodar qalasynda qazaqtyń kórnekti ánshisi, aqyn-sazgeri Estai Berkimbaiulynyń eskertkishi men mýzeii ashylmaq.
Eskertkish Estai atyndaǵy mədeniet saraiynyń mańynda boi kóterse, mýzei ǵimarattyń ishinen oryn alady.
Ekibastuz qalasynda «Týǵan jer» arnaiy jobasy boiynsha júzege asyrylyp jatqan tyń joba – «Sábiler alleiasy». Munda Ekibastuzda týǵan ərbir nəresteniń qurmetine ata-anasy belgilengen jerge bir túp aǵash otyrǵyzady.
«Uly dalanyń uly esimderi» jobasy aiasynda óńirdiń órkendeýine eleýli úles qosqan tulǵalardyń taǵdyryn dáripteý maqsatqa alynyp otyr. Sonymen qatar, qazaqtyń uly qolbasshysy Baýyrjan Momyshulyna arnalǵan monýment Ekibastuzdyń ortalyq kósheleriniń birinde jyldyń sońyna deiin turǵyzylady.
Biylǵy jyly Aqsý qalasy barlyǵy 6 iri jobany júzege asyrady. Aldymen Aqsý qalasynda «Aqsý tolqyny» atty birinshi respýblikalyq konkýrsyn ótkizý josparlanǵan.
Sharanyń basy maýsym aiynda jańartylǵan jaǵajaidaǵy mádeni sharalardan bastaý alyp, sharyqtaý shegi talantty jastardyń úlken gala kontsertimen aiaqtalady. Óńirde júzege asyp jatqan aýqymdy jobalardyń biri - «ERG BARYSY» týrniri.
Atalmysh shara Qazaqstannyń túrli oblystarynan 200-den astam adamdy qamtydy.
El arasynda kúmis kómei Baiǵabyl atanyp ketken Baiǵabyl Jylqybaevtyń músini týǵan aýyly Qurkólde boi kóteredi.
Aqqýly aýdanynda halyq ártisi, kúishi Rústembek Omarovtyń 100 jyldyǵyna orai «Kúi óneriniń saryny» kúishiler aliansy qurylmaq. Alianstyń negizgi mindeti – jas urpaqqa qazaqtyń ǵasyrlar boiy saqtalyp kele jatqan kúi ónerin nasihattaý bolyp otyr.
Jobanyń qorytyndysynda aýdan jastarynan quralǵan 100 kúishi bir ýaqytta Rústembek Omarovtyń «Jastyq shaq» kúiin oryndaidy.
Jastar jyly aiasynda Aqqýly aýdanynyń jastar ortalyǵy «Jas shabandoz» jobasyn qolǵa aldy. Joba atqa otyrý mádenietin úiretip qana qoimai, «Er qanaty – at» estafetasy, asaý úiretý, aýdaryspaq siiaqty at sportyn keńinen nasihattaityn sharalardan turady.
Al, Aqtoǵai aýdanynda «Aqtoǵaitaný» jobasy jalǵasyn tabýda. 2018 jyldan bastap ár mekteptiń 5-7 synyptarynda «Aqtoǵaitaný» arnaiy kýrsy engizilgen.
Bul arnaiy jobada jyl boiy týǵan ólkeniń tarihy, Aqtoǵai aýdanynyń tarihi tulǵalary men oqiǵalary, fizikalyq-geografiialyq ornalasýy, tarihi eskertkishteri oqytyldy.
Atalmysh joba aiasynda túrli konkýrstar, kórkemsóz oqý saiystary men oqýlar ótkizý qarastyrylǵan. Baianaýyl aýdanynda «Ruhty Qazaqstan» jobasy iske asyrylmaq. Joba aiasynda aýdandaǵy respýblikalyq mańyzy bar 4 qasietti orynǵa ekskýrsiialyq týr uiymdastyrylady.
Shara aýdannyń jas mamandary men belsendilikpen kózge túsken jastaryn qoldap, olardyń eńbegin baǵalap, jigerin kóterýge negizdelgen. Jelezin aýdanynda «Rýhani jańǵyrý» baǵdarlamasy aiasynda «Shabyt» balalar men jastar ortalyǵy ashylady. Balalar men jastar ortalyǵynyń ashylýy aýdannyń da, jalpy oblystyń da shyǵarmashylyq áleýetine jaǵymdy áser etedi.
Óskeleń urpaqtyń shyǵarmashylyq belsendiligin arttyra otyryp, aýdan turǵyndarynyń mádeni deńgeii de ósedi dep boljanýda.
Ertis aýdanynyń ekojúiesin jaqsartýǵa baǵyttalǵan «Almaly baq– berekeniń qainary» jobasy aiasynda 200 alma aǵashtary otyrǵyzyldy. Bul aimaqty keleshekte abattandyryp, demalys ornyna ainaldyrý kózdelgen.
Sondai-aq aýdanda «Tildes» til ortalyǵynyń «arnaiy jobasy aiasynda» latyn grafikasyn oqytý ortalyǵy ashylady. Oqytý ortalyǵy aýdandyq kitaphana bazasynda qurylatyn bolady.
Tereńkól aýdanynda «Jastar jylyn» merekeleý barysynda Resei Federatsiiasynyń Novosibir oblysyna is-sapar josparlanǵan.
Is-sapar «Rýhani jańǵyrý» baǵdarlamasynyń aiasynda eki memleket arasynda ulttyq qundylyqtarymyzdy nasihattap, dostyq qarym-qatynasty nyǵaitýǵa baǵyttalǵan. Aýdanda qazaq mádenieti men rýhaniiaty úshin eleýli úles qosqan, dintanýshy, áýlie, ustaz, tálimger Seidildá qajy Túitebekulynyń kesenesin salýdy josparlap otyr.
Mai aýdanynda «Alma baǵy» jobasy boiynsha aýdan ortalyǵynda tamshylap sýarý təsilimen alma aǵashyn egip, ónim alyp, jastardy eńbekke baýlý qarastyrylǵan.
Sharbaqty aýdanynda «Sharbaqty aýdany tarihyn jáne aýdan aýmaǵyndaǵy arheologiialyq eskertkishterdi zertteý jáne izdeý jumystaryn júrgizý» jobasy aiasynda aýdan aýmaǵyndaǵy arheologiialyq eskertkishterdi zertteý jáne osy eskertkishter jinaǵyn basyp shyǵarý josparlanýda.
«Aýylym – altyn qazynam» jobasy arqyly Ýspen aýdanynyń tarihy túgendelmek. Kóne kóz qariialardan aýdan men aýyldyń qurylýy, ótken ǵasyrlardaǵy ańyz ápsanalar jinaqtalady.
Ýspen aýdanynyń mańynda arheologiialyq ekspeditsiia múshelerimen birlese otyryp qorǵandar men úiindilerge qazba jumystaryn júrgizý jáne olardy zertteý jumystary da josparǵa engen.
Pavlodar aýdanynda ońtústik eldi mekenderden «Nátijeli jumyspen qamtýdy jáne jappai kásipkerlikti damytý» baǵdarlamasy boiynsha kóship kelgen otbasylar úshin «Arnaý» festivali uiymdastyrylady. Atalmysh festival qazaqtyń «erýlik» dep atalatyn ata saltymen toilanady. Shara barysynda aqyndar arnaý aityp, án men kúiler oryndalady.
Derekkóz: Ravlodarnews.kz
