Memlekettik keńesshi Erlan Qarın Ulttyq quryltaı múshelerimen birge «Taza Qazaqstan» jalpyrespýblıkalyq aksıasyna qatysty, dep habarlaıdy Dalanews.kz. 

Byltyr Memleket basshysynyń bastamasymen qolǵa alynǵan aksıa búginde halyqtyq sıpatqa ıe bolyp otyr.

Memlekettik keńesshi men Ulttyq quryltaı músheleri Astana jáne Almaty qalalarynda aǵash otyrǵyzdy.

Ulttyq quryltaı músheleri «Taza Qazaqstan» aksıasyn qoldap, bul bastamanyń qoǵamdy biriktirýde ári ekologıalyq mádenıetti damytýda mańyzy zor ekenin atap ótti. Sondaı-aq azamattardy aksıany qoldaýǵa baǵyttalǵan jobalarǵa belsene atsalysýǵa shaqyrdy.

Erlan Qarın aksıaǵa qatysqan Ulttyq quryltaı múshelerine alǵys aıtyp, «Taza Qazaqstan» bastamasy elimizdiń ıdeologıalyq platformasynyń mańyzdy quramdas bóligi ekenin eske saldy.

Sonymen qatar Memlekettik keńesshi atalǵan aksıa elimizge, qorshaǵan ortaǵa jaýapty ári uqypty qaraýǵa shaqyratynyn, qoǵamdaǵy ádep mádenıetine oń áser etetinin jetkizdi.

Osylaısha, «Taza Qazaqstan» aksıasy jańa qoǵamdyq etıka men ádep mádenıetin qalyptastyrýdyń negizine aınaldy.