Kúni keshe Qazaqstan Halyq artisi Tuńǵyshbai Jamanqulovtyń "Feniks" filmine bólingen aýqymdy qarajatty jep qoidy degen kúdikpen qamaýǵa alynǵany belgili. Kópshilik muny Mádeniet ministriniń "tapsyrysy" dese de, Jamanqulovtyń aiyby dáleldenbei jatyp, ony "jazalap" tastaǵandar da az bolǵan joq.
Bul týraly korrespondent.kz jazady.
Solardyń biri jai qatardaǵy adam emes, Ulttyq akademiialyq kitaphananyń direktory Úmithan Muńalbaeva apaiymyz. "Tuńǵyshbai qamaldy" degen aqparat shyqqan ýaqyttan bastap ol áleýmettik jelide belsendilik tanytyp, bireýdiń qaiǵysyna qýanǵandai syńai tanytty. Ol tipti, Jamanqulovty "asý kerek" degen de pikirin bildirip otyr.
[caption id="attachment_21125" align="aligncenter" width="550"]
Aita ketý kerek, Ú.Muńalbaevany Arystanbek Muhamediulynyń ózi taǵaiyndaǵan. Mádeniet ministri týraly "seks-skandal" paida bolǵanda, osy akademiialyq kitaphana qyzmetkerleri ony aqtap álek bolǵan edi. Tipti, uzynqulaqqa sensek, Muńalbaeva Astanaǵa kelgen sátte Arystanbektiń úiinde turǵan kórinedi.
Soǵan qaraǵanda, Jamanqulovtyń qamalýyn "Arystanbektiń tapsyrysy" deitinderdiń sózinde jan bar sekildi. Onyń ústine, osydan biraz ýaqyt buryn T.Jamanqulov Mádeniet ministri "otkat" surap otyr dep, ashyq málimdegen bolatyn. Keiin "seks-skandal" kezinde de Halyq artisi Muhamediulynyń nápsiqumar ekenin jaiyp saldy.
