Jyl saiyn shilde aiynyń alǵashqy jeksenbisinde elimizde Ulttyq dombyra kúni keńinen atalyp ótedi. Bul – halqymyzdyń mádeni murasyn ulyqtap, jas urpaqtyń boiynda ulttyq qundylyqtarǵa degen qurmetti qalyptastyrýǵa baǵyttalǵan mańyzdy kún.
Dombyra – halqymyzdyń ǵasyrlar boiy qalyptasqan tól óneriniń, tarihi jady men rýhani biiginiń kórinisi. Kúi óneri arqyly ata-babalarymyz óz dáýiriniń taǵdyrly sátterin, ómirlik filosofiiasyn, eldik murattaryn jetkizdi. Ár kúide – tálim, taǵylym, tárbie bar.
Jastar – ulttyq murany jalǵastyratyn altyn kópir.
Búgingi tańda elimizdiń túkpir-túkpirinde ashylyp jatqan dombyra úiirmeleri, mýzykalyq mektepter men mádeni jobalar – jas býynnyń ónerge degen qyzyǵýshylyǵyn arttyrýda. Bul bastamalar jas talanttardyń boiyndaǵy shyǵarmashylyq áleýetti oiatyp qana qoimai, ulttyq rýhty nyǵaitady.
Dombyra – ulttyq biregeilik pen jańǵyrýdyń simvoly.
Tól ónerimizge qurmet – bolashaqqa baǵyttalǵan senimdi qadam. El Prezidentiniń bastamasymen belgilengen bul mereke – rýhani jańǵyrýdyń naqty kórinisi. Jastardyń dombyra tartýy, kúi ónerin meńgerýi – urpaqtyń óz tamyryna, óz bolmysyna oralýynyń jarqyn kórinisi.
Aidana Seidýllaeva
