Biylǵy jyldyń ereksheligi – Ulttyq baiandama el Táýelsizdiginiń 30 jyldyǵy aiasynda daiyndaldy, onda Táýelsizdik urpaqtarynyń portreti jasalyp, 10-20-30 jyl aralyǵynda bolǵan jastardyń damý dinamikasyna salystyrmaly taldaý berilgen. Sapaly taldaý úshin 4 áleýmettik zertteý, sondai-aq saraptamalyq jáne ǵylymi qoǵamdastyqpen áleýmettik konsýltatsiialar júrgizildi.
Qatysýshylar Qazaqstandaǵy jastardyń qazirgi jaǵdaiyna jan-jaqty taldaý jasalǵan ǵylymi eńbektiń praktikalyq mańyzdylyǵyn atap ótti. Baiandamanyń ǵylymi avtorlarynyń biri Dana Ashimhanova jastar arasyndaǵy ózekti trendter týraly aityp berdi.
Atap aitqanda, búgingi tańda joǵary utqyrlyq, didjitalizatsiia, zamanaýi tehnologiialardy paidalaný qarqyny jáne salaýatty ómir salty eń tanymal trendterge ainalyp otyr.
Saraptamalyq talqylaý barysynda qatysýshylar qoǵamdyq-saiasi júiede óz rólińdi qabyldaý, qalalyq jáne aýyldyq mektepter arasyndaǵy alshaqtyq turǵysynan bilim berýdiń qoljetimdiligi men sapasy, kásipter naryǵyndaǵy úrdister, jastardyń ǵylymdaǵy múmkindikteri men perspektivalary siiaqty mańyzdy máseleler qozǵaldy.
Memlekettik jastar saiasatyn damytýdyń 30 jyldaǵy hronologiiasy mańyzdy bir bólik boldy. Biylǵy jylda jańa zańnamalyq bastamalardy, jastardy damytý indeksin engizýdi, jastardy qoldaýdyń 2021-2025 jyldarǵa arnalǵan Keshendi josparyn iske asyrýdy qamtityn memlekettik jastar saiasatyn iske asyrýda jańa kezeń bastalǵany atap ótildi.
QR AQDM Jastar jáne otbasy isteri komitetiniń tóraǵasy Shahmardan Baimanov saraptamalyq kezdesýdiń jumysyn qorytyndylai kele, qazaqstandyq jastardyń ózekti máselelerin sheshýde memleket pen ǵylymi-sarapshylyq qoǵamdastyqtyń ózara is-qimylynyń mańyzdylyǵyn atap ótti.
– Dál osy «Halyq únine qulaq asatyn memleketti» iske asyrý aiasyndaǵy jalpy kúsh-jiger elimizdegi jastar saiasatyn tiimdi damytý isindegi qazirgi zamanǵy syn-qaterlerge der kezinde den qoiýǵa múmkindik beredi, – dedi ol.
Esterińizge sala keteiik, Elbasy Nursultan Nazarbaevtyń bastamasymen «Jastar» ǵylymi-zertteý ortalyǵy 2013 jyldan bastap jyl saiyn «Qazaqstan jastary» Ulttyq baiandamasyn jariialap keledi. Aǵymdaǵy jyldyń sońyna deiin QR AQDM tapsyrysy boiynsha daiyndalatyn Ulttyq baiandama resmi túrde tanystyrylady jáne kópshilikke ashyq túrde qoljetimdi bolady.
